پیپلزپارٹی کا قائد ایوان پنجاب کے انتخاب میں لاتعلق رہنے کا فیصلہ PPP
The news is by your side.

Advertisement

پیپلزپارٹی کا قائد ایوان پنجاب کے انتخاب میں لاتعلق رہنے کا فیصلہ

لاہور: پاکستان پیپلز پارٹی نے قائدایوان پنجاب کےانتخاب میں لاتعلق رہنےکافیصلہ کیا ہے۔

تفصیلات کے مطابق پاکستان پیپلزپارٹی وزیراعلیٰ پنجاب کے انتخاب میں لاتعلق رہے گی اور ووٹنگ میں حصہ نہیں لے گی۔

پاکستان پیپلزپارٹی پنجاب کے رہنما حسن مرتضیٰ نے اپنے ایک بیان میں کہا ہے کہ پیپلزپارٹی وزیراعلیٰ پنجاب کےانتخاب میں ووٹ نہیں دے گی۔

انھوں نے کہا کہ پی ٹی آئی اور ن لیگ ہمارے نزدیک ایک سکےکے دورخ ہیں، ہمارے لیے وہ یکساں ہیں۔

مزید پڑھیں: عمران خان نے سردارعثمان بزدار کو وزیراعلیٰ پنجاب نامزد کرنے کا اعلان کردیا

ان کا کہنا تھا کہ ہمارےارکان ایوان میں موجودہوں گے، البتہ وہ ووٹنگ کے عمل میں  حصہ نہیں رہیں  گے۔

رہنماپیپلزپارحسن مرتضیٰ کا کہنا تھا کہ اسپیکرکے انتخاب میں پیپلزپارٹی کے دو ارکان نے ووٹ دیاتھا، یہ عمل پارٹی کے  فیصلے کے خلاف تھا۔ اس خلاف ورزی پر نبیل رئیس ،غضنفرکوشوکازجاری کر دیے ہیں۔

واضح رہے کہ پنجاب کے وزیراعلیٰ کے لیے پی ٹی آئی کے عثمان بزدار اور مسلم لیگ ن کے حمزہ شہباز کے درمیان مقابلہ ہے۔

یاد رہے کہ پنجاب میں اسپیکر اور ڈپٹی اسپیکر کے منصب پر پی ٹی آئی کے نامزد کردہ امیدوار کامیاب ہوچکے ہیں۔

Comments

comments

یہ بھی پڑھیں