کراچی ائیرپورٹ پرپی پی رہنمانبیل گبول اورشہری کےدرمیان جھگڑا -
The news is by your side.

Advertisement

کراچی ائیرپورٹ پرپی پی رہنمانبیل گبول اورشہری کےدرمیان جھگڑا

کراچی: جناح انٹرنیشنل ایئرپورٹ پرپیپلزپارٹی کے رہنما نبیل گبول اور شہری کے درمیان جھگڑا ہوا جس پر پی پی رہنما نے شہری کودھکا دے کرگرا دیا۔

تفصیلات کے مطابق کراچی کے جناح انٹرنیشنل ایئرپورٹ پرپی پی رہنما نیبل گبول اور شہری کے درمیان تلخ کلامی ہوئی۔

پیپلزپارٹی کے رہنما نبیل گبول نے شہری کو دھکا دیا جس پروہ زمین پرجاگرا، اس دوران شہریوں نے واقعے کی ویڈیو بنالی۔

شہریوں کی جانب سے بنائی گئی ویڈیو میں دیکھا جا سکتا ہے کہ متاثرہ مسافرپولیس کو بلاتا رہا لیکن کوئی اس کی مدد کو نہ آیا۔

پولیس حکام کے مطابق جھگڑے سے متعلق ایئرپورٹ تھانے میں کوئی مقدمہ درج نہیں ہوا جبکہ نبیل گبول یا مسافر نے بھی کارروائی کے لیے درخواست نہیں دی۔

Comments

comments

یہ بھی پڑھیں