کراچی: پیپلزپارٹی نے بلوچستان میں بڑی سیاسی انٹری کا اعلان کر دیا۔ صوبے کی کئی اہم شخصیات نے پی پی شمولیت اختیار کر لی۔
پاکستان پیپلزپارٹی پارلیمنٹرینز کے صدر آصف علی زرداری سے ملاقات کے بعد مسلم لیگ ق سے تعلق رکھنے والی سیاسی شخصیات پی پی پی میں شامل ہوئیں۔
سابق صدر آصف زرداری سے بلاول ہاؤس میں ملاقات کے بعد سابق سینیٹر سعید الحسن مندوخیل اور اکبر خان مندوخیل پاکستان پیپلزپارٹی میں شامل ہوئے۔
آصف زرداری سے ملاقات کے بعد سردار اورنگزیب رخشانی، میر شبیر بنگلزئی، میر قادر بخش بنگلزئی، آغا اورنگزیب پٹھان، سردار نور بنگلزئی، سردار رب نواز کرد، نوابزادہ شاہزین خان شاہوانی و دیگر نے پی پی پی میں شمولیت کا اعلان کیا۔
آصف علی زرداری جلد بلوچستان کا دورہ کریں گے۔ بلوچستان کابینہ کے اہم وزرا بھی آصف زرداری سےرابطےمیں آگئے جو آصف زرداری کےکوئٹہ پہنچنے پر پی پی میں شمولیت کا اعلان کریں گے۔
پیپلزپارٹی پارلیمنٹیرینز کے صدر آصف زرداری کا کہنا ہے کہ آئندہ انتخابات میں بلوچستان کا وزیراعلیٰ جیا لا ہو گا بلوچستان کےعوام ہماری جان ہیں آئندہ بلوچستان کےعام انتخابات میں بڑا سرپرائز دیں گے۔
