فیصل آباد:پی پی رہنما فیصل صالح حیات ٹریفک حادثے میں زخمی -
The news is by your side.

Advertisement

فیصل آباد:پی پی رہنما فیصل صالح حیات ٹریفک حادثے میں زخمی

فیصل آباد: پاکستان پیپلز پارٹی کے رہنما فیصل صالح حیات ٹریفک حادثے میں شدید زخمی ہو گئے۔ 

تفصیلات کے مطابق سابق وفاقی وزیر فیصل صالح حیات لاہو ر سے شاہ جیونا واپس آ رہے تھے کہ امین پور بنگلہ کےقریب ان کی گاڑی حادثے کا شکار ہوگئی، حادثے میں فیصل صالح حیات اور ان کا ڈرائیور زخمی ہوئے۔

دونوں زخمیوں کو  الائیڈ اسپتال منتقل کیا گیا، جہاں فیصل صالح حیات کا ہنگامی طور پر آپریشن کیا گیا،  فیصل صالح حیات کے بھتیجے شہریار نے میڈیا سے گفتگو کرتے کہا کہ فیصل صالح حیات کی حالت خطرے سے باہر ہے ۔ ان کی دائیں آنکھ ، ہونٹ اور دائیں بازو پر تین ٹانکے لگے ہیں ۔

میڈیکل بورڈ آج انہیں الائیڈ اسپتال میں رکھنے یا ڈسچارج کرنے کا فیصلہ کرے گا، ڈسچارج کئے جانے کی صورت میں انہیں لاہور منتقل کر دیا جائے گا جبکہ حادثے میں زخمی ہونے والے فیصل صالح حیات کے ڈرائیور کی سر پر چوٹ لگنے کے باعث حالت نازک بتائی جاتی ہے۔

ٹریفک حادثے کے بعد فیصل صالح حیات کی گاڑی مکمل طور پر تباہ ہو گئی۔

Comments

comments

یہ بھی پڑھیں