The news is by your side.

آرمی چیف کی مدت ملازمت میں توسیع، پیپلزپارٹی نے پنجاب اسمبلی میں قرارداد جمع کرادی

لاہور: پاکستان پیپلزپارٹی نے پنجاب اسمبلی میں آرمی چیف جنرل راحیل شریف کی مدت ملازمت میں توسیع کے لیے قرارداد جمع کرادی ۔

تفصیلات کے مطابق پنجاب اسمبلی میں قرارداد پیپلزپارٹی کے رکن خرم وٹو کی جانب سے جمع کرائی گئی ہے جس میں کہا گیا ہے کہ جنرل راحیل شریف کی خدمات قابل تحسین ہیں، اس لئے قومی مفاد اورملکی سلامتی کی خاطرجنرل راحیل شریف کی مدت ملازمت میں توسیع کی جائے۔

خرم وٹو نے میڈیا سے بات کرتے ہوئے کہا کہ جنرل راحیل شریف تمام حالات کا دلیری سے مقابلہ کررہےہیں،وقت کا تقاضا ہےکہ راحیل شریف اپنے فیصلے پر دوبارہ غورکریں۔

انہوں نے یہ بھی کہا کہ ان کی جانب سے جمع کرائی گئی یہ قرارداد آصف علی زرداری کے بیان کی توثیق کےساتھ ساتھ عوام کےدل کی بھی آوازہے۔

واضح رہے کہ آرمی چیف جنرل راحیل شریف نومبر2016میں اپنے عہدے سے ریٹائرہورہے ہیں اورملازمت میں توسیع کے حوالے سے گردش کرتی اطلاعات کو بےبنیاد بھی قراردے چکے ہیں۔

Print Friendly, PDF & Email

Comments

comments

یہ بھی پڑھیں