ممبئی: بھارتی اداکار پرابھاس کی نئی میگا تھرلر فلم ’سالار‘ کا دھماکہ خیز ٹریلر جاری کردیا گیا۔
بھارتی میڈیا کے مطابق فلم دو پارٹ میں بنائی گئی ہے، پرابھاس ’سالار‘ کے کردار میں جبکہ پرتھوی راج سوکومان ’ورادراجا منرا‘ کے کردار میں نظر آئیں گے۔
تاہم سالار سیزفائر1 کے تین منٹ 47 سیکنڈ کے ٹریلر میں پرابھاس اپنے شاندار ایکشن میں نظر آئے، اس فلم میں پرتھوی راج سوکمرن، شروتی ہاسن، اور جگپتی بابو بھی اہم کردار بنھائیں گے۔
فلم کو بلاک بسٹر سیریز کے جی ایف کے پرشانت نیل کی ہدایت کاری میں بنی ہے، ’سالار‘ کی کہانی کو ’کے جی ایف‘ کے ساتھ ملایا جائے گا۔
بھارتی میڈیا کے مطابق سالار سیزفائر1 کی اسٹوری ایک فکشنی شہر خانسار کے گرد گھومتی ہے جس پر دنیا کے خطرناک ترین لوگوں نے زبردستی قبضہ کرلیا ہے۔
فلم کی شروعات دیوا اور وردھا کی دوستی سے ہوتی ہے، ٹریلر میں دیکھا گیا کہ کس طرح اقتدار کے نام پر اتحاد کو دھوکہ دیا گیا ہے۔
اس ایکشن تھرلر فلم سالار کو 400 کروڑ کے خطیر بجٹ سے بنایا گیا ہے فلم رواں برس 22 دسمبر کو پوری دنیا میں ریلیز کی جائے گی۔
