فیشن کی دنیا کا لگژری برانڈز پراڈا کی لاکھوں مالیت کی ’سیفٹی پن‘ کا سوشل میڈیا پر مذاق بن گیا۔
فیشن کی دنیا میں لگژری برانڈز اکثر اپنی انوکھی مصنوعات کے باعث خبروں میں رہتے ہیں اس بار اطالوی فیشن برانڈ پراڈا نے ایک بار پھر انٹرنیٹ پر ہلچل مچا دی ہے، اس بار پراڈا نے ایک عام سی چیز کو مہنگا بنا کر سب کو حیران کر دیا ہے، ایک سادہ سی میٹل کی سیفٹی پن اس وقت سوشل میڈیا پر خوب وائرل ہورہی ہے۔
ایک ایسی چیز جو عام طور پر ہر خاتون کے ہینڈ بیگ میں آسانی سے پایا جاتا ہے جبکہ عام دکانوں سے یہ چند روپے میں خریدا جا سکتا ہے، لیکن پراڈا نے اس سیفٹی پن کو تقریباً 775 (تقریباً دو لاکھ پاکستانی روپے) میں فروخت کیلئے پیش کیا ہے۔
Prada really out here selling crochet safety pins for 70K. My grandma used to make those while watching Saas-Bahu dramas pic.twitter.com/jlgjJ60jad
— Devanshu Kumar (@oldschoolguy__) November 5, 2025
اس پن کی قیمت جاننے کے بعد سوشل میڈیا صارفین ایک طرف تو حیران نظر آئے لیکن دیکھتے ہی دیکھتے یہ حیرت طنز میں بدل گئی، جس کے بعد سوشل میڈیا پر مذاق اور میمز کی بھرمار ہو گئی۔
ایک صارف نے لکھا، ”میری دادی ٹی وی دیکھتے ہوئے ایسی بناتی ہیں، کیا اب مجھے لگژری اسٹور کھول لینا چاہیے؟“ ایک اور نے تبصرہ کیا، ”کیا برانڈز اب ہمارا مذاق اڑا رہے ہیں؟“
I thought i had seen everything until i saw this!
Ladies and gentlemen, Prada Crochet Safety Pin for 775$ that is 69000₹ that is 674€ that is 2850AED! pic.twitter.com/jDJwcmE1KP
— Sarah (@rantingaksh) November 4, 2025
ایک فیشن بلاگر نے لکھا ”یہ تخلیقی صلاحیت نہیں، یہ حماقت ہے۔“ ایک اور صارف کا کہنا تھا کہ یہ بڑھتی ہوئی عدم مساوات کی عکاسی ہے، جہاں امیر لوگ وہی چیزیں سونے کے پیکج میں خریدتے ہیں وہ چیز عام لوگوں کے پاس پہلے سے دستیاب ہوتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں