The news is by your side.

Advertisement

مزیدار جھینگا کڑاہی بنانے کی ترکیب

بعض لوگ سی فوڈ بہت شوق سے کھاتے ہیں۔ آج ہم آپ کو ایسی ہی ایک ترکیب بتانے جارہے ہیں جو نہ صرف سی فوڈ کھانے کے شوقین افراد کی لذت دہن کا سامان بنے گی بلکہ اس میں مشرقی کھانوں کی بھی جھلک آئے گی۔

:جھینگا کڑاہی بنانے کی ترکیب

:اجزا

جھینگے: 250 گرام

ہرا دھنیا: ایک گڈی باریک کترا ہوا

ٹماٹر: 4 عدد باریک کاٹ لیں

ہری مرچیں : 4 عدد لمبائی میں باریک کاٹ لیں

لیموں : 2 عدد

سفید زیرہ: ایک چائے کا چمچ

پسا ہوا لہسن، ادرک: ایک، ایک کھانے کا چمچ

پسی ہوئی لال مرچ: ایک کھانے کا چمچ

ثابت دھنیہ: ایک کھانے کا چمچ

ادرک: 2 کھانے کے چمچے باریک کٹی ہوئی

نمک: حسب ذائقہ

تیل: ایک پیالی

:ترکیب

دھنیا، کالی مرچیں اور زیرہ ملا کر پیس لیں۔

کڑاہی میں تیل گرم کریں اور جھینگوں کو دھو کر صاف کرلیں اور پھر اسے پانچ منٹ تک پکا کر نکال لیں۔

اس کے بعد اسی کڑاہی میں ٹماٹر، لہسن، ادرک، لال مرچ، پسا ہوا مصالحہ، ہری مرچیں، ایک لیموں کا رس اور تھوڑا سا پانی ڈال کر ٹماٹر نرم ہونے تک پکائیں۔

اسے بھون کر جھینگے شامل کریں اور چند منٹ تک مزید پکائیں۔

پھر ہرا دھنیا ملاکر ڈش میں نکال لیں۔

جھینگا کڑاہی تیار ہے۔ اس میں ایک لیموں کا رس، ادرک اور نمک شامل کر کے گرما گرم پیش کریں۔

Print Friendly, PDF & Email

Comments

comments

یہ بھی پڑھیں