site
stats
انٹرٹینمںٹ

دعا ہے میرا بیٹا میرے جیسا نہ ہو، سنجے دت

ممبئی: بالی وڈ اداکار سنجے دت نے کہا ہے کہ دعا ہے کہ میرا بیٹا میرے جیسا نہ ہو، والد کی خواہش پر پورا نہ اترنے کا دکھ ہے۔

تفصیلات کے مطابق بالی وڈ اداکار سنجے دت نے کہا ہے کہ دعا ہے کہ میرا بیٹا ایک اچھا انسان بنے جس پر سب کو فخر ہو، میں نہیں چاہتا کہ میرا بیٹا مجھ پر جائے یا مجھ جیسا بنے۔

سنجو بابا کا کہنا ہے کہ میرے والد سنیل دت کی خواہش تھی کہ میں ایک اچھا بیٹا بنوں لیکن میری بری عادتوں اور نشے کی لت کی وجہ سے وہ ہمیشہ پریشان رہے، انہوں نے مجھے بورڈنگ اسکول بھیجا تاکہ میری تربیت اچھی ہوسکے لیکن میں ان کی خواہش پر پورا نہ اترسکا۔

بالی وڈ اداکار نے کہا کہ میں اب خود بھی ایک والد ہوں اور چاہتا ہوں کہ میرا بیٹا ایک اچھا بیٹا ثابت ہو لہٰذا میں نے اسے بڑوں کی عزت کرنا سکھایا ہے۔

یہ پڑھیں: سنجے دت کی فلم بھومی کے ٹریلر نے دھوم مچادی

سنجے دت نے کہا کہ میں اپنی والدہ نرگس سے بہت محبت کرتا تھا وہ اگر مجھے جیل میں دیکھ لیتیں تو انہیں بہت دکھ ہوتا، انہوں نے نوجوانوں کو ہدایت دیتے ہوئے کہا کہ ہمیشہ اپنے والدین کی عزت کریں ان کی بات سنیں اور برائیوں سے دور رہیں۔

واضح رہے کہ سنجے دت اور ادیتی راؤ حیدری کی فلم بھومی رواں ماہ 22 ستمبر کو ریلیز کی جارہی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top