The news is by your side.

Advertisement

وزیر اعلیٰ خیبر پختونخوا کا آئمہ کرام کو ماہانہ اعزازیہ دینے کا اعلان

پشاور :وزیر اعلیٰ خیبر پختونخوا محمود خان نے صوبے بھرکے آئمہ کرام کو اعزازیہ دینے کا اعلان کردیا ، 22 ہزار آئمہ مساجد کو 10 ہزار روپے ماہانہ اعزازیہ دیا جائے گا۔

تفصیلات کے مطابق وزیر اعلیٰ خیبر پختونخوا محمودخان کی زیر صدارت محکمہ اوقاف کا اجلاس ہوا، جس میں صوبے بھرکے آئمہ کرام کواعزازیہ دینے کا فیصلہ کرتے ہوئے کہا گیا کہ خیبرپختونخوا کے22 ہزار آئمہ کرام کے لئے ماہانہ دس ہزار روپے اعزازیہ دیا جائے گا۔

اجلاس میں کہا گیا کہ اعزازیوں پرماہانہ 22 کروڑ 72 لاکھ ،سالانہ ڈھائی ارب سے زائد خرچ ہوں گے۔

وزیراعلیٰ کی ہدایات پرضم اضلاع کی آئمہ مساجد کو بھی اعزازیہ دینے کا فیصلہ کیا گیا اور ہدایت کی گئی کہ اگلےمالی سال کے آغاز سے اعزازیوں کی فراہمی کے اقدامات کئے جائیں۔

وزیر اعلیٰ خیبرپختونخوا محمود خان کا کہنا تھا کہ مساجد ،مدارس کی شمسی توانائی سمیت دیگرضرورتیں بھی پورےکی جائیں گی۔

یاد رہے جنوری 2018 میں خیبرپختونخواہ کی حکومت نے آئمہ مساجد کو ماہانہ 10 ہزار روپے وظیفہ ادا کرنے کا فیصلہ کیا تھا ، جس کی کابینہ نے بھی منظوری دے دی تھی، سرکاری خزانے سے وظیفہ ادا کرنے کے لیے کچھ شرائط بھی عائد کی گئیں ہیں۔

حکومت کی جانب سے یہ شرط عائد کی گئی تھی کہ دینی مدارس کے لیے قائم پانچ میں سے کسی ایک بھی بورڈ کے سند یافتہ آئمہ وظیفے کے اہل ہوں گے۔

Comments

یہ بھی پڑھیں