پنجاب کے ضمنی انتخابات میں پری پول دھاندلی کی کوشش پر پاکستان تحریک انصاف نے دستاویزی ثبوت حاصل کرنے کا دعویٰ کر دیا۔
ماہرقانون بابراعوان نے ٹوئٹر پر جاری بیان میں پری پول دھاندلی سے متعلق ہونے والی کوششوں اور ثبوت کے بارے میں آگاہ کیا۔
انہوں نے لکھا کہ ضمنی الیکشن میں تاریخ کی بڑی پری پول دھاندلی کے ثبوت دیکھے پی ٹی آئی لیڈرشپ اور اسدعمر کے ساتھ دستاویزی ثبوت دیکھے ہیں۔
ابھی سکریٹری جنرل اسد عمر اور PTI پنجاب لیڈرشپ کے ساتھ، ضمنی الیکشن میں تاریخ کی سب سے بڑی پری پول دھاندلی کے دستاویزی ثبوت دیکھے۔ ایک ایک بلاک کوڈ میں ہزاروں outsiders کے ووٹ ابھی ٹھونسے گئے۔ الیکشن شڈیول جاری ہونے کے بعد، یہ کس کی ایماء پر کیا گیا؟ PTI اِسے چیلنج کر رہی ہے۔
— Babar Awan (@BabarAwanPK) July 5, 2022
بابراعوان نے کہا کہ ایک ایک بلاک کوڈ میں ہزاروں آؤٹ سائیڈر کے ووٹ ٹھونسے گئے الیکشن شیڈول کے بعد یہ کس کی ایماپر کیا گیا؟ پی ٹی آئی اسےچیلنج کررہی ہے۔
دوسری جانب وزیراعلیٰ پنجاب کی جانب سے ضمنی انتخاب سے قبل پیکیج کا اعلان کرنے کے حوالے سے پاکستان تحریک انصاف نے رجسٹرار سپریم کورٹ آف پاکستان کو خط لکھ دیا
مذکورہ خط پی ٹی آئی کے مرکزی نائب صدر فوادچوہدری کی جانب سے تحریر کیا گیا ہے، خط کے متن میں کہا گیا ہے کہ یکم جولائی2022کوعدالت نے پنجاب کو بحران سے بچانے کا فارمولہ وضع کیا۔