The news is by your side.

Advertisement

2022 کی دل دہلا دینے والی پیش گوئیاں

سولھویں صدی کے مشہورِ عالَم فرانسیسی ماہر عِلم نجوم نوسٹراڈیمس جس طرح گزرے برسوں سے متعلق خوف ناک پیش گوئیاں کر چکے ہیں، اسی طرح ان کی کچھ دل دہلا دینے والی پیش گوئیاں اگلے سال 2022 سے متعلق بھی ہیں۔

دنیا سے متعلق بہت ساری پیش گوئیاں کرنے والے نجومی نوسٹراڈیمس متعدد بار درست ثابت ہوئے ہیں، ان کی کئی پیش گوئیاں سچ ثابت ہو چکی ہیں، جس کی وجہ سے ہر سال ان کی مشہور کتاب کی طرف ایک بار پھر رجوع کیا جاتا ہے، جس میں آج سے 500 سال قبل وہ حیرت انگیز لیکن دہشت ناک پیش گوئیاں کر چکے ہیں۔

سیارچوں کی بارش زمین کو تباہ کر دے گی

ایک بہت بڑی خلائی چٹان سمندر میں گرے گی اور اس سے بڑی سمندری لہریں پیدا ہو جائیں گی، جو زمین کو اپنی لپیٹ میں لے لیں گی، اور بڑے خلل کا باعث بن جائیں گی۔ ایک شدید زلزلہ سونامی کا باعث بن جائے گا اور سمندری پانی میں اضافے کی وجہ سے بہت زیادہ نقصان ہو سکتا ہے۔ یہ صورت حال بتاتی ہے کہ آسمان سے سیارچوں کی بارش ہوگی، اور ہزاروں لوگ مارے جائیں گے۔

نوسٹراڈیمس نے یہ بھی دعویٰ کیا کہ زمین شمسی طوفانوں اور ایک بہت ہی بڑے دمدار ستارے کی وجہ سے تباہ جائے گی اور یہ واقعہ کرسمس کے وقت پیش آئے گا، وہ لکھتے ہیں کہ آسمان میں آگ اور چنگاریوں کا ایک طویل سلسلہ لوگ واضح دیکھ سکیں گے۔

شمالی کوریا کے سربراہ کم جونگ اُن کی موت

نوسٹراڈیمس نے اپنی ایک نظم میں شمالی کورین سربراہ کی موت کی پیشگوئی بھی کی ہے، جس کے مطابق وہ 2022 میں اچانک موت مر جائیں گے، ان کی موت سے تبدیلی آئے گی اور ان کی جگہ ایک اور کردار حکومت سنبھال لے گا۔

ایک بہت بڑا ایٹم بم پھٹے گا

نوسٹراڈیمس کے مطابق اگلے سال یعنی 2022 میں دنیا میں ایک انتہائی خطرناک ایٹم بم پھٹ جائے گا۔ اس سے خارج ہونے والی تابکاری کی وجہ سے دنیا کی آب و ہوا میں تبدیلی آئے گی اور بڑے گلیشیئر مکمل طور پر پگھل جائیں گے۔ اس سے سطح سمندر میں اضافہ ہوگا۔ اس کی وجہ سے بہت سے جزیرے اور چھوٹے ممالک زیر آب آ جائیں گے۔ اس کے ساتھ ہی کروڑوں لوگ ریڈی ایشن کی وجہ سے وقت سے پہلے مر جائیں گے اور جو لوگ بچ جائیں گے وہ مختلف بیماریوں کا شکار ہو جائیں گے۔

دنیا میں تین دن تک اندھیرا چھائے گا

پیشگوئی کے مطابق اگلے سال ایک بڑا قدرتی واقعہ رونما ہوگا، جس کی وجہ سے دنیا میں 3 دن تک اندھیرا چھائے گا۔ اس سے دنیا کے ممالک میں شروع ہونے والی جنگ اچانک تھم جائے گی۔ تین دن بعد دنیا روشنی میں آئے گی۔

فرانس میں سمندری طوفان

پیش گوئی کے مطابق اگلا سال فرانس کے لیے بہت بھاری ثابت ہو سکتا ہے، ایک بہت بڑا طوفان آئے گا جس کا اثر پوری دنیا پر پڑے گا، دنیا میں فصلیں اور نباتات کافی حد تک تباہ ہو جائیں گی جس سے لوگوں میں بھوک پھیل جائے گی۔ نوسٹراڈیمس نے پیرس کے محاصرے کا بھی ذکر کیا ہے، لیکن اس کی وجہ معلوم نہیں کہ ایسا کیوں اور کیسے ہوگا، اور کون اس کا محاصرہ کرے گا۔

جاپان میں بڑا زلزلہ

جاپان میں بڑا زلزلہ آئے گا، اور یہ دن کے وقت آئے گا اس لیے جانی نقصان زیادہ نہیں ہوگا، لیکن عمارتوں کو بہت نقصان پہنچے گا۔

یورپی یونین کا خاتمہ

نوسٹراڈیمس کے مطابق بریگزٹ تو بس آغاز ہے، 2022 میں پورا یورپی یونین ہی ختم ہو جائے گا۔

شدید مہنگائی کا سامنا

نوسٹراڈیمس کی پیش گوئی کے مطابق اگلے سال عالمی معیشت میں بہت تبدیلیاں آئیں گی، اور اشیا کی شدید گرانی ہوگی، دنیا میں مہنگائی بہت بڑھ جائے گی جس سے کروڑوں غریبوں کو فاقہ کشی کی وجہ سے جان سے ہاتھ دھونا پڑیں گے۔ امریکی ڈالر گر جائے گا اور سونا، چاندی اور بٹ کوائن کو اثاثہ سمجھا جائے گا۔

Comments

یہ بھی پڑھیں