نیویارک :امریکی صدر ڈونلڈ ٹرمپ نے نیویارک کے وفاقی پراسیکیوٹر کو مستعفیٰ نہ ہونے پرعہدےسےفارغ کردیا۔
تفصیلات کےمطابق امریکی صدر ڈونلڈ ٹرمہپ نے سابق صدر براک اوباماکی جانب سے نامزد نیویارک کے وفاقی پراسیکیوٹر پریت بھرارا کوان کے عہدے سے برخاست کردیا۔
سماجی رابطے کی ویب سائٹ ٹویٹر پر پریت بھرارا نے اپنے پیغام میں لکھاکہ’میں نے مستعفی ہونے سے انکار کیا تو کچھ دیر قبل مجھے عہدے سے برخاست کر دیا گیا ہے۔‘
I did not resign. Moments ago I was fired. Being the US Attorney in SDNY will forever be the greatest honor of my professional life.
— Preet Bharara (@PreetBharara) March 11, 2017
انہوں نےمزید کہاکہ جنوبی ضلعے نیویارک کے اٹارنی ہونا میری پیشہ وارانہ زندگی کے لیے ہمیشہ قابلِ عزت رہے گا۔
خیال رہےکہ عموماً نئے صدور سابق صدر کے مقرر کیے گئے عہدے داران کو تبدیل کرتے رہتے ہیں لیکن ایک ساتھ اتنی بڑی تعداد میں لوگوں کو تبدیل کرنا بعض لوگوں کے لیے باعثِ تشویش ہے۔
پریت بھرارا کا ٹرمپ کی جانب سے برخاست کیاجاناحیران کن ہےکیونکہ اس سے قبل نومبر میں ڈونڈ ٹرمپ نے ان کو عہدے پر برقرار رہنے کوکہاتھا۔
مزید پڑھیں: ڈونلڈ ٹرمپ نےقائم مقام اٹارنی جنرل سیلی یٹس کوبرطرف کردیا
یاد رہےکہ اس سےقبل رواں سال جنوری میں ڈونلڈ ٹرمپ کی جانب سےامریکی قائم مقام اٹارنی جنرل سیلی یٹس کومسلم ممالک پرپابندی کےحکم نامے کےدفاع سےانکارکرنے پر عہدے سے برطرف کردیاگیاتھا۔
واضح رہےکہ پریت بھرارانے بدعنوانی سے متعلق انتہائی اہم مقدمات اور وال سٹریٹ بینکرز کے خلاف مقدمات کی پیروی کی۔اس کےعلاوہ انہوں نے ڈیموکریٹک اور ریپبلکن دونوں رہنماؤں کے خلاف مقدمات چلائے۔
