کراچی میں بہار کا آغاز ہو چکا تھا، اور یخ بستہ صبحیں ہلکی گرم دوپہروں میں بدل رہی تھیں۔ لیکن بلال کالونی شہر کے باقی حصوں کے مقابلے میں پہلے ہی کہیں زیادہ اور بے آرام حد تک گرم تھی۔
بڑھتی ہوئی گرمی کے بیچ، ڈاکٹرز اور محققین پاکستان کے تناظر کے مطابق کم ٹیکنالوجی اور سستے حلوں پر توجہ مرکوز کر رہے ہیں۔
مشرقی محلہ جو کم ہوا دار گھروں، گرد آلود سڑکوں اور تقریباً بغیر کسی سبزہ زار کے گھنے جال کی مانند کراچی کے سب سے بڑے صنعتی علاقوں میں سے ایک میں فیکٹریوں اور گاڑیوں کے شورومز کے پیچھے چھپا ہوا تھا حرارت کو مختلف انداز میں جذب کرتا تھا۔ دوپہر تک یہ چند کلومیٹر دور کے محلوں کی بہ نسبت چند ڈگری زیادہ گرم محسوس ہوتا تھا۔
نسیم، بلال کالونی کی رہائشی جو پچھلی بہار میں حاملہ تھیں، بتاتی ہیں کہ وہ اُس ناقص ہوادار دو منزلہ گھر میں، جہاں وہ آٹھ دیگر افراد کے ساتھ رہتی ہیں، سانس کی گھٹن کا شکار ہو گئیں۔ “مجھے چکر آ رہے تھے، میں کچھ بھی نہیں کھا سکتی تھی، مجھے صرف برف چاہیے تھی، اور وہ بھی نہیں مل سکی کیونکہ بجلی نہیں تھی،” وہ کہتی ہیں۔
بڑھتی ہوئی تحقیق سے پتہ چلتا ہے کہ حاملہ خواتین گرمی کے حوالے سے جسمانی طور پر سب سے زیادہ کمزور ہیں۔
پاکستان میں بہار اور موسمِ گرما کے دوران درجۂ حرارت معمول کے طور پر 40 سینٹی گریڈ سے تجاوز کر جاتا ہے، اور لاکھوں افراد قابلِ اعتماد بجلی یا صحت کی سہولتوں سے محروم ہیں۔ گرمی کی بڑھتی ہوئی سطح ایک ایسے ملک میں اضافی دباؤ کا باعث ہے جہاں دنیا میں ماؤں کی اموات کی شرح سب سے زیادہ ہے – 2019 میں 100,000 زندہ پیدائشوں میں 186 اموات ہوئیں۔ عالمی ادارۂ صحت کے اعداد و شمار کے مطابق، 2023 میں ہر 1,000 زندہ پیدائشوں پر نوزائیدہ اموات کی شرح 38 تھی، جبکہ بھارت اور بنگلہ دیش میں یہ بالترتیب 17 اور 18 تھی۔
تاہم پاکستان اور دیگر کئی کم و متوسط آمدنی والے ممالک میں اس بات کے بارے میں بہت کم ڈیٹا موجود ہے کہ گرمی ماؤں اور بچوں کو کیسے نقصان پہنچا رہی ہے۔ یہ ملک نوزائیدہ اور ماں اموات سے متعلق ادب میں تقریباً مکمل طور پر غیر حاضر ہے۔ ان ممالک میں تحقیق اور مطالعات کی کمی کا مطلب ہے کہ ہم حاملہ خواتین پر گرمی کے عالمی بوجھ کو کم سمجھ رہے ہیں، ” ڈارشنِکا لاکھو کہتی ہیں، جو وِٹس پلینیٹری ہیلتھ ریسرچ میں ریسرچ کلینیشن ہیں، ایک ایسی تنظیم جو عوامی صحت پر موسمیاتی تبدیلی کے اثرات پر توجہ مرکوز کرتی ہے۔ “ڈیٹا اور قائل کرنے والی دلائل کے بغیر، حاملہ خواتین کو پالیسی میں کبھی ترجیح نہیں دی جائے گی”۔
مثال کے طور پر، پاکستان کے صوبہ سندھ کی آفتوں کے انتظام کی اتھارٹی کے پاس گرمی کی لہروں کے لیے معیاری آپریٹنگ طریقہ کار موجود ہیں، لیکن ان میں حاملہ خواتین کے لیے کوئی مخصوص انتظامات نہیں ہیں۔ اس کے بجائے، یہ منصوبے ایسے بنیادی ڈھانچے پر انحصار کرتے ہیں جو اکثر ناکام ہو جاتا ہے۔ گرمی زدہ علاقوں میں عارضی ٹھنڈے پناہ گاہیں، ایس ایم ایس اور سوشل میڈیا کے ذریعے گرمی کی لہروں کی وارننگز اور احتیاطی تدابیر کی نشریات جہاں خواتین کے پاس اکثر موبائل فون تک رسائی نہیں ہوتی، اور ایک ایسے شہر میں جہاں بجلی اکثر غیر مستحکم ہوتی ہے، ایئر کنڈیشننگ اور پنکھوں والی ٹھنڈک کی سہولیات۔ یہ صرف پاکستان تک محدود نہیں۔ گزشتہ سال شائع ہونے والی ایک تحقیق میں محققین نے خبردار کیا ہے کہ بھارت میں ریاستی سطح کے تین میں سے ایک گرمی سے نمٹنے کے منصوبوں میں حاملہ یا دودھ پلانے والی خواتین کے لیے کوئی سفارشات موجود نہیں ہیں۔
اس خلاء کو پُر کرنے کی ضرورت فوری ہے۔ ورلڈ ویدر اٹریبیوشن کے ایک مطالعے میں یہ پایا گیا کہ پاکستان اور بھارت میں 2022 کی شدید گرمی کی لہر موسمیاتی تبدیلی کی وجہ سے تقریباً 30 گنا زیادہ ہوئی، اور وقت گزرنے کے ساتھ ایسے واقعات مزید بڑھتے جائیں گے۔
اب وقت نہیں
“ہمیں کارروائی کرنے سے پہلے ملک مخصوص مطالعات کا انتظار نہیں کرنا چاہیے,” امیلیا ویسلنک، بوسٹن یونیورسٹی اسکول آف پبلک ہیلتھ میں ریسرچ اسسٹنٹ پروفیسر کہتی ہیں، جن کا کام حرارت اور تولیدی صحت پر مرکوز ہے
وہ کہتی ہیں کہ ایسے علاقوں میں جہاں مقامی ڈیٹا کی کمی ہے، اسی طرح کے علاقوں سے اعلیٰ معیار کے مطالعے کو عام کیا جا سکتا ہے، وہ کہتی ہیں۔ امیلیا نے تسلیم کیا کہ کراچی میں مفید طریقے بوسٹن میں کارآمد طریقوں سے بہت مختلف ہو سکتے ہیں۔”
شروعاتی نقطہ یہ جاننا ہے کہ مقامی لوگ گرمی کو کیسے محسوس کرتے ہیں، جہاں شواہد عموماً محدود ہیں۔
“ہمیں حاملہ خواتین سے گرمی کے دوران ان کے تجربات کے بارے میں بات کرنا شروع کرنا چاہیے,” ویسلنک نے ڈائیلاگ ارتھ کو بتایا۔ “وہ کون سی جگہیں اور اوقات ہیں جب انہیں خود کو ٹھنڈا رکھنے میں دشواری ہوتی ہے؟ ان حالات میں ان کے لیے سب سے زیادہ مددگار کیا ہوگا؟”
سال 2024 سے، جئے داس کراچی میں ان معاملات کے بارے میں سمجھ بوجھ میں موجود خلاء کو پر کرنے کے لیے کام کر رہے ہیں۔
داس، آغا خان یونیورسٹی میں بچوں کے امراض کے شعبے کے ریسرچ ایسوسی ایٹ پروفیسر ہیں، انہوں نے 2026 کے ایک مطالعے میں شراکت کی جس میں یہ پایا گیا کہ پاکستان میں کم وزن کے ساتھ پیدا ہونے والے بچوں کے 9 تا 13 فیصد کیسز گرمی کے اثرات کی وجہ سے تھے۔ وہ ایک منفرد نوعیت کے مطالعے پر بھی کام کر رہے ہیں جو کراچی اور وسیع تر سندھ صوبے میں ماں، جنین اور نوزائیدہ بچوں کی صحت پر شدید گرمی کے اثرات کا جائزہ لینے کی کوشش کررہا ہے۔
اب تک ان کی ٹیم نے اس مطالعے میں 1,200 خواتین کو داخل کیا ہے اور سال کے آخر تک 6,000 خواتین کو داخل کرنے کا ہدف رکھتی ہے۔ ہر خاتون کے لیے وہ ایسے حیاتی نشانات ناپ رہے ہیں جو تاریخی طور پر حمل کے دوران حرارت کے دباؤ سے منسلک رہے ہیں۔
داس کہتے ہیں کہ یہ بایومارکر انہیں بڑی تصویر سمجھنے میں مدد دیں گے۔ مثال کے طور پر، اگر کوئی بچہ کم وزن کے ساتھ پیدا ہوتا ہے تو اس کی وجوہات کون سے راستے ہیں؟ یہ جاننا کہ کون سے بایومارکر شدید گرمی سے سب سے زیادہ منسلک ہیں، ہمیں جسم پر گرمی کے مجموعی اثرات کو سمجھنے میں مدد دے گا۔
گرمی کے اثرات اور مساوات
ایک اہم سوال یہ ہے کہ کون سے اقدامات حاملہ خواتین کو گرمی سے نمٹنے میں مدد دے سکتے ہیں۔
جنوبی افریقہ کے گرمی سے حفاظتی رہنما قومی اصول حاملہ خواتین کو ایک کمزور گروپ کے طور پر شناخت کرتے ہیں جنہیں ترجیحی مداخلتوں کی ضرورت ہے۔ یہ سفارش کرتے ہیں کہ شدید گرمی کے دوران کمیونٹی ہیلتھ ورکرز کو کمزور آبادیوں کی مدد کے لیے تعینات کیا جائے۔ بھارت میں، سورت، بھونیشور اور راجکوٹ کے منصوبوں میں ہسپتال کی عمارتوں کے سب سے زیادہ گرم حصوں سے زچگی اور نوزائیدہ وارڈز کو منتقل کرنے کے ٹھوس اقدامات شامل ہیں، اور نئی ماؤں کو ہسپتال چھوڑنے سے پہلے گرمی کے دباؤ کے بارے میں معلومات دی جاتی ہیں۔
گریگوری ویلینیئس، بوسٹن یونیورسٹی کے سینٹر فار کلائمیٹ اینڈ ہیلتھ کے ڈائریکٹر، کہتے ہیں کہ کم آمدنی والے ممالک میں بہت سی حاملہ خواتین کو گرمی سے صحت کے خطرات امیر ممالک کی خواتین کے مقابلے میں کہیں زیادہ درپیش ہیں۔ انہیں زیادہ گرمی کے سامنا کرنے کے ساتھ ساتھ صحت کی سہولیات تک رسائی کم اور درجہ حرارت کم کرنے کے محدود ذرائع دستیاب ہوتے ہیں۔ نومبر 2025 میں لاکھو اور دیگر محققین کی جانب سے شائع ہونے والی ایک منظم جائزے سے معلوم ہوا کہ کم آمدنی والے ممالک میں مائیں گرمی کی وجہ سے قبل از وقت پیدائش کے خطرے کا نمایاں طور پر زیادہ سامنا کرتی ہیں۔
“بہت سی عام طور پر تجویز کی جانے والی حرارت سے متعلق اقدامات قابلِ اعتماد بجلی، باضابطہ کام کی جگہیں اور ہر جگہ فون تک رسائی کو فرض کرتی ہیں، جس کی وجہ سے کم آمدنی والے ممالک کی بہت سی خواتین کے لیے یہ غیر عملی ہیں، ”ویلینیئس نے ڈائیلاگ ارتھ کو بتایا۔ ایئر کنڈیشنر تو دور کی بات ہے، ایک پنکھا بھی ان کی پہنچ سے باہر ہو سکتا ہے۔
”موثر تحفظ کے لیے ہدف شدہ، کم ٹیکنالوجی والے طریقے درکار ہیں جو موجودہ مقامی کمیونٹی کے وسائل سے فائدہ اٹھائیں اور مقامی سیاق و سباق کے مطابق ہوں۔”
ایسے طریقے تلاش کرنا اب اولین ترجیح ہے۔
اگست 2025 سے، آغا خان یونیورسٹی کے محققین، انجینئرز اور سائنسدانوں کے ایک گروپ نے کراچی کے بلال کالونی اور گارڈن ویسٹ کے علاقوں اور سندھ صوبے کے مٹیاری گاؤں میں 3,000 سے زائد گھرانوں میں کم لاگت والی ٹھنڈک کے اقدامات آزما رہے ہیں، جس میں خاص طور پر حاملہ خواتین، بچوں اور پسماندہ طبقات کو مدنظر رکھا گیا ہے۔
انہوں نے کینوس کے چھجے نصب کیے ہیں جو چھتوں کو سایہ فراہم کرتے ہیں اور ایسے مقامات بناتے ہیں جہاں قدامت پسند خاندانوں کی خواتین پردہ (جس میں غیر محرم مردوں کے سامنے چہرہ ڈھانپنا شامل ہے) کا خیال رکھتے ہوئے باہر بیٹھ سکتی ہیں۔ انہوں نے ہوا پکڑنے والے ڈکٹ کا اضافہ کیا ہے جو تنگ گھروں میں ہوا پہنچاتے ہیں، شمسی عکاس رنگ استعمال کیا ہے جو روشنی کو سطحوں سے واپس اچھالتا ہے، اور بانس کے ستون جن پر بچھائی گئی بیلیں ہوتی ہیں، جو تنگ گلیوں کو ٹھنڈا کر سکتی ہیں اور کمیونٹیز کے لیے بیرونی جگہیں بنا سکتی ہیں۔
اس منصوبے کے اسسٹنٹ مینیجر انجم نقوی نے ڈائیلاگ ارتھ کو بتایا کہ انہوں نے ان گھروں کے اندر جہاں انہوں نے ایک نیا طریقہ آزمایا، ماحول کے درجۂ حرارت میں پہلے ہی 3 تا 4 ڈگری سینٹی گریڈ کی کمی دیکھی تھی۔
وہ کہتے ہیں کہ ان کی ٹیم اپنے کام کی فوری نوعیت کا احساس کرتی ہے۔ حرارت کو قبل از وقت پیدائش کے بڑھتے ہوئے خطرے، کم پیدائشی وزن، حمل کی ذیابیطس، پیدائشی قلبی نقائص اور زچگی کے دوران قلبی واقعات سے منسوب کیا گیا ہے۔ اور بلال کالونی میں، جہاں وہ کام کر رہے ہیں، یہ تحقیق ایک زندہ حقیقت ہے۔
“ہم نے اس [مخصوص] محلے پر توجہ مرکوز کرنے کا فیصلہ بنیادی طور پر 2015 میں پیش آنے والے واقعات کی وجہ سے کیا،” نقوی کہتے ہیں۔
اس سال شدید گرمی کی لہر نے درجہ حرارت 45 ڈگری سینٹی گریڈ تک پہنچا دیا، اور کراچی کے بعض علاقوں میں اموات کی تعداد اتنی زیادہ تھی کہ مردہ خانے بھر گئے۔ کورنگی ضلع، جہاں بلال کالونی واقع ہے، سب سے زیادہ متاثرہ علاقوں میں سے ایک تھا۔
نسیم اپنے کمرے میں بیٹھی ہوئی تھیں، جو گھر کے لیے عارضی باورچی خانے کا بھی کام دیتا ہے۔ نسیم نے ڈائیلاگ ارتھ کو بتایا کہ انہیں امید ہے کہ نقوی اور ان کی ٹیم نے نسیم کے صحن میں جو کینوس کی چھت نصب وہ کی کچھ راحت فراہم کرے گی۔
“میرا شوہر اور میں ایک سولر سے چلنے والا پنکھا خریدنے کے لیے پیسے جمع کر رہے ہیں تاکہ ہم گرمیوں کے مہینوں میں 16 گھنٹے کی لوڈ شیڈنگ برداشت کر سکیں، ”وہ کہتی ہیں۔ “میں دعا کر رہی ہوں کہ اس سال گرمیاں قابلِ برداشت ہوں۔”
(زوہا صدیقی کی یہ رپورٹ ڈائلاگ ارتھ پر شایع ہوچکی ہے، اس کا ترجمہ اقرا معظم نے کیا ہے)
اے آر وائی نیوز کی ڈیجیٹل ڈیسک کی جانب سے شائع کی گئی خبریں