کراچی کے علاقے کھارادر میں نجی اسپتال کے قریب نامعلوم سمت سے آنے والی گولی لگنے سے حاملہ خاتون جاں بحق ہوگئیں۔
پولیس حکام نے بتایا کہ مقتولہ کی شناخت فاطمہ کے نام سے ہوئی جو سکیورٹی گارڈ کی شکایت کرنے کیلیے نجی اسپتال آئی تھی تاہم نامعلوم شخص کی گولی کا نشانہ بنی۔
مقتولہ کے شوہر نے پولیس حکام کو بتایا کہ نامعلوم شخص کی جانب سے چلائی گئی گولی اہلیہ کو لگی۔
پولیس نے بتایا کہ سکیورٹی گارڈ مقتولہ کا رشتہ دارے ہے جو کچھ عرصے سے تنگ کر رہا تھا، واقعے سے متعلق مزید تحقیقات کی جا رہی ہیں۔
3 اکتوبر کو کراچی کے نجی اسپتال میں ڈاکٹروں کی مبینہ غفلت کے باعث حاملہ خاتون جاں بحق ہوگئی تھیں۔ ورثاء نے وزیر اعلیٰ سندھ، وزیر صحت اور آئی جی سے انصاف کی فراہمی کا مطالبہ کیا تھا۔
جاں بحق خاتون کمسن بچے کی ماں تھی اور دوسرے بچے کی پیدائش سے پہلے موت ہوگئی تھی۔ ورثاء نے الزام عائد کیا تھا کہ چیک اپ کیلیے گھر کے قریب نجی اسپتال میں لے گئے تھے جہاں غلط انجکشن لگانے گئے۔
اس حوالے سے نجی اسپتال کی لیڈی ڈاکٹر کا مؤقف تھا کہ متاثرہ خاتون کی حالت پہلے سے ہی بہت تشویشناک تھی جسے طبی امداد فراہم کی گئی۔
متاثرہ خاندان نے محکمہ صحت سندھ سے مطالبہ کیا تھا کہ نجی اسپتال میں علاج معالجے کا معیار بہتر بنانے کیلئے اقدامات کیے جائیں۔
