اسلام آباد : میڈیکل بورڈ آج سینئر صحافی ارشد شریف کے پوسٹ مارٹم کی ابتدائی رپورٹ جاری کرے گا۔
تفصیلات کے مطابق ارشدشریف کے پوسٹ مارٹم کیلئے قائم میڈیکل بورڈکا اجلاس آج ہوگا، جس میں میڈیکل بورڈ ارشد شریف کے پوسٹ مارٹم کے اہم نکات پر غور کرے گا۔
ذرائع نے بتایا کہ میڈیکل بورڈ ارشد شریف کی ایکسرے اور سی ٹی اسکین رپورٹ پر غور کیا جائے گا۔
میڈیکل بورڈ بورڈ ٹیسٹ نتائج اور پوسٹ مارٹم کے نکات پرابتدائی رپورٹ جاری کرے گا۔
ذرائع کا کہنا تھا کہ میڈیکل بورڈ نے پوسٹ مارٹم کے بعد ارشد شریف کے جسمانی اعضا کا فرانزک ٹیسٹ کرانے کا فیصلہ کیا تھا ، فرانزک ٹیسٹ کیلئے ارشد شریف کے جسمانی اعضا کے سیمپلز لے لئے گئے ہیں۔
گذشتہ روز شہید ارشد شریف کا پمزاسپتال میں پوسٹمارٹم کیا گیا، ڈاکٹروقار کی سربراہی میں پمزاسپتال کے آٹھ رکنی میڈیکل بورڈ نے پوسٹ مارٹم کیا۔
ذرائع نے بتایا تھا کہ ایکسرے بورڈ کی سفارش پرفُل باڈی سی ٹی اسکین اور مختلف ہڈیوں کا ایکسرے کیا گیا۔
ڈائریکٹر پمز کا کہنا تھا کہ پوسٹ مارٹم رپورٹ آنے میں وقت درکار ہوتا ہے تاہم پوسٹ مارٹم کے بعد شہید ارشد شریف کا جسد خاکی قائداعظم اسپتال سرد خانے منتقل کر دیا گیا تھا۔
