The news is by your side.

Advertisement

وزیراعظم کی ہدایت پر 9 اگست کو ٹائیگرزفورس ڈے منانے کی تیاریاں جاری

لاہور : وزیراعظم کی ہدایت پر 9 اگست کو ٹائیگرزفورس ڈےمنانے کی تیاریاں جاری ہے، پنجاب حکومت نے بھی شجر کاری مہم کیلئے خصوصی ایپلی کیشن تیار کر لی۔

تفصیلات کے مطابق وزیراعظم کی ہدایت پر 9 اگست کو ٹائیگرزفورس ڈےمنانے کی تیاریاں جاری ہے ، اس حوالے سے وزیراعلیٰ پنجاب عثمان بزدار سے معاون خصوصی عثمان ڈار کی ملاقات ہوئی، ملاقات میں ٹائیگر زفورس ڈے کے انتظامات اور تقریبات کی تیاریوں کا جائزہ لیا گیا۔

خیبرپختونخواکے بعد پنجاب حکومت نے بھی شجر کاری مہم کیلئے تیار کرلی گئی ہے ، عثمان بزدار نے یقین دہانی کرائی کہ پنجاب حکومت 12 لاکھ درخت لگائے گی اور صوبے بھر میں 520 تقریبات ہوں گی۔

تقریبات میں ٹائیگرزفورس رضاکارصوبائی، وفاقی وزرا، اسمبلی اراکین اور گورنر شریک ہوں گے جبکہ وزیراعلیٰ پنجاب لاہور اور سیالکوٹ میں شجر کاری مہم میں حصہ لیں گے۔

اس حوالے سے پنجاب انفارمیشن ٹیکنالوجی بورڈ نے خصوصی ایپلی کیشن تیار کر لی ہے۔

اس سے قبل وزیراعلیٰ پنجاب سردار عثمان بزدار کی زیر صدارت اعلی سطح کا اجلاس ہوا تھا ، جس میں عثمان بزدار نے کہا تھا پنجاب حکومت 9 اگست کو ٹائیگرز فورس ڈے منائے گی ، ٹائیگرزفورس ڈے پر 12لاکھ سے زائد پودے لگائے جائیں گے۔

وزیراعلیٰ پنجاب کا کہنا تھا کہ عوامی نمائندے ٹائیگرز فورس ڈے پر تقریبات میں بھرپور حصہ لیں ، ہم اپنی نسلوں کوبہترین،صاف ماحول دینے کے مشن پر گامزن ہیں ، سابق دور میں نمائشی منصوبوں کی آڑمیں درختوں کوبےدردی سےکاٹاگیا، درختوں کی کٹائی کے باعث ماحولیاتی آلودگی میں اضافہ ہوا ، 2023 تک ویژن کے مطابق10 ارب پودے لگانے کیلئے پرعزم ہیں۔

Comments

یہ بھی پڑھیں