The news is by your side.

Advertisement

کرتارپور روشنیوں کے شہر میں تبدیل، راہداری کے افتتاح کی تیاریاں عروج پر

نارووال: کرتارپور روشنیوں کے شہر میں تبدیل ہوگیا ، دربارصاحب کرتارپور میں باباگرونانک کے 550 ویں جنم دن کی تقریب اور راہداری کے افتتاح کی تیاریاں عروج پر ہیں، وزیراعظم عمران خان 9 نومبر کو کرتار پور راہداری کا افتتاح کریں گے۔

تفصیلات کے مطابق گردوارہ کرتار پور راہداری منصوبہ مکمل ہوتے ہی کرتارپور روشنیوں کے شہرمیں تبدیل ہوگیا ، کرتارپور کو سکھ یاتریوں کے لئے خوبصورت انداز میں سجا دیا گیا ہے اور دربارصاحب کرتارپور میں 550 ویں جنم دن کی تقریب اور راہداری کے افتتاح کی تیاریاں زور و شور سے جاری ہے۔

کرتار پور راہداری کی تقریب سے متعلق انتظامات کو حتمی شکل دی جارہی ہے، ذرائع کا کہنا ہے کہ دربار صاحب کرتارپور میں پنڈال سجایا جارہا ہے ، پنڈال میں 8 ہزار کرسیاں لگائی جائیں گی اور تقریب کے لیے 60 فٹ طویل اور 24فٹ چوڑا اسٹیج تیار کیا جارہا ہے جبکہ گردوارے میں مختلف مقامات پر اسکرینیں بھی لگائی جائیں گی۔

مزید پڑھیں : کرتارپور راہداری کی افتتاحی تقریب 9 نومبر کو ہوگی

دوسری جانب بابا گرونانک کے 550 ویں جنم دن کی 10 روزہ تقریبات کا آغاز ہو گیا ہے اور بابا گرونانک کے 550 ویں جنم دن اور کرتارپور راہداری کے افتتاح میں شرکت کے لئے سکھ یاتریوں کی آمد کا سلسلہ جاری ہے ، سکھ یاتری کا کہنا ہے کہ ہمیں پاکستان آکر بہت خوشی ہوئی ہے، ہمیں سب جگہ پیار مل رہا ہے۔

خیال رہے وزیراعظم عمران خان9 نومبر کو کرتار پور راہداری کا افتتاح کریں گے، افتتاح کے بعد یہ پاکستان کا سب سے بڑا گردوارہ بن جائے گا۔

یاد رہے حکومت پاکستان کی جانب سے کرتارپور راہداری کے افتتاح کے موقع پر سکھ برادری کےخیرمقدم کیلئے خصوصی نغمہ جاری کیا گیا تھا جبکہ بابا گرو نانک کی 550ویں سالگرہ پر یادگاری ٹکٹ اور یادگاری سکہ کا اجرا کیا گیا تھا۔

fb-share-icon0
Tweet 20

Comments

comments

یہ بھی پڑھیں