The news is by your side.

Advertisement

گورنرہاؤس کے سبزہ زار میں نو منتخب وزیراعلیٰ پنجاب حمزہ شہباز کے حلف کی تیاریاں مکمل

لاہور: گورنر ہاؤس کے سبزہ زار میں نو منتخب وزیراعلیٰ پنجاب کے حلف کی تیاریاں مکمل کرلیں گئیں، عدالتی حکم پر حمزہ شہباز گورنر ہاؤس میں حلف اٹھائیں گے۔

تفصیلات کے مطابق گورنرہاؤس میں حمزہ شہباز کی حلف برداری کی تیاریاں مکمل کرلیں گئیں ہیں ، لیگی رہنماؤں کی آمد جاری ہے ، اسپیکر قومی اسمبلی راجہ پرویزاشرف بھی گورنرہاؤس پہنچ گئے ہیں۔

تقریب میں حمزہ شہباز آج اپنے عہدے کا حلف اٹھائیں گے، نو منتخب وزیراعلیٰ پنجاب حمزہ شہباز سے اسپیکر قومی اسمبلی حلف لیں گے۔

ناخوشگوارواقعے سے نمٹنے کے لیے گورنرہاؤس کےاطراف پولیس کی بھاری نفری تعینات کردی گئی ہے اور گورنر ہاؤس آنے جانے والے راستے بند کردیئے ہیں۔

پولیس نےواٹرکینن بھی مال روڈ گورنر ہاؤس کے گیٹ پرمنگوا لی ہیں ، گورنر ہاؤس پر1400سے زائد پولیس اہلکاراورافسران تعینات کئے گئے ہین ، گورنر ہاؤس اسٹاف کے علاوہ کسی کو داخلےکی اجازت نہیں۔

سی سی پی اوبلال صدیق کمیانہ نے شہر بھر کی سیکیورٹی ہائی الرٹ کرنےکی ہدایت کرتے ہوئے کہا ہے کہ امن وامان برقراررکھنا،شہریوں کےجان ومال کی حفاظت اولین ترجیح ہے، کسی بھی شخص کوقانون ہاتھ میں لینےکی اجازت نہیں۔

سربراہ لاہورپولیس کا کہنا تھا کہ شہرکاامن متاثرکرنےکی ہرگز اجازت نہیں دیں گے، گورنرہاؤس آنےوالےمہمانوں کوسکیورٹی فراہم کی جائے گی۔

گذشتہ روزلاہور ہائی کورٹ نے قومی اسمبلی کے اسپیکر راجہ پرویز اشرف کو پنجاب کے وزیر اعلیٰ حمزہ شہباز سے عہدے کا حلف لینے کا حکم دیا تھا۔

Comments

یہ بھی پڑھیں