The news is by your side.

Advertisement

کراچی ائیرپورٹ پر طیارے کی ہنگامی لینڈنگ، مسافرمحفوظ

کراچی: اسلام آباد سے مانچسٹر جانے والی پرواز نے کراچی ایئرپورٹ پر بحفاظت ہنگامی لینڈنگ کی، تمام مسافر محفوظ رہے، طیارے میں عملے و مسافر سمیت 150 افراد سوار تھے۔

تفصیلات کے مطابق اسلام آباد سے مانچسٹر کے لیے جانے والی پرواز این ایل 901 کا اڑان کے ساتھ ہی ٹائر پھٹ گیا،سول ایوی ایشن حکام کے مطابق اسلام آباد ائیرپورٹ سے اڑان کے بعد رن وے سے ٹائر کے ذرات ملے ہیں۔

Flight

طیارے کو پہلے اسلام آباد پھر لاہور اتارنے کی کوشش کی گئی، موسم کی خرابی کے سبب طیارے کو لاہور ائیرپورٹ پر اترنے کی اجازت نہیں دی گئی تاہم کراچی کنٹرول ٹاور پر رابطے کے بعد طیارے کی کراچی ایئرپورٹ پر ہنگامی لینڈنگ کرادی گئی۔

طیارے کو حادثے سے بچانے کے لیے اس میں موجود ایندھن کو فوری طور پر ضائع کرنے کے احکامات دیے گئے، ایندھن کوضائع کرنے کے لیے طیارے نے کراچی ائیرپورٹ کے گرد تین چکر لگائے۔ حکام کے مطابق کپتان اور کنٹرول روم مسلسل رابطے میں رہے اور کلیئرنس کی اجازت ملتے ہی طیارے کو ایئر پورٹ پر اتار لیا گیا۔

Flight0

کسی بھی بڑے سانحے سے بچنے کے لیے ائیر پورٹ پر تمام انتظامات مکمل کرلیے گئے تھے،ریسکیو حکام کے ساتھ فائر برگیڈ اور سول ایوی ایشن کا عملہ بھی موجود رہا۔

اے آر وائی نیوز کے نمائندے صلاح الدین کے  مطابق طیارہ شاہین ائیر لائن کی ملکیت ہے،طیارے کے کپتان نے کنٹرول روم سے رابطہ کر کے تشویش کا اظہار کیا تھا کہ طیارے کے ٹائر پھٹ گئے ہیں۔

ایوی ایشن کے ایک ماہر کا کہنا تھا کہ طیارہ مانچسٹر میں بھی ہنگامی لینڈنگ کرسکتا تھا لیکن جرمانے سے بچنے کے لیے ہنگامی لینڈنگ کراچی ایئرپورٹ پر کرائی گئی۔

Print Friendly, PDF & Email

Comments

comments

یہ بھی پڑھیں