The news is by your side.

Advertisement

یوم پاکستان پر مسلح افواج کی پریڈ کی تیاریاں زوروشورسے جاری

اسلام آباد : یوم پاکستان شایان شان طریقے سے منانے کے لیے تیاریاں جاری ہے ، تینوں مسلح افواج، سیکیورٹی اداروں کے دستوں کی ریہرسل ، جدیدترین جے ٹین جنگی طیاروں کا فلائی پاسٹ پریڈ کا حصہ ہوگا۔

تفصیلات کے مطابق یوم پاکستان پر مسلح افواج کی پریڈ کی تیاریاں زوروشورسے جاری ہے ، 82 واں یوم پاکستان شایان شان طریقے سے منایا جائے گا۔

تینوں مسلح افواج، سیکیورٹی اداروں کے دستے ، آرمرڈکور ،آرٹلری،ایئر ڈیفنس انجینئرز کے دستےپریڈ کا حصہ ہوں گے۔

پریڈکی خاص بات جدیدترین جےٹین جنگی طیاروں کا فلائی پاسٹ ہے ، جے ٹین جنگی طیارےحال ہی میں پاک فضائیہ کے بیڑے کا حصہ بنے ہیں۔

یوم پاکستان پریڈ میں میں ایوی ایشن فلائی پاسٹ بھی ہو گا اور ایس ایس جی کے کمانڈوزفری فال کا مظاہرہ پیش کریں گے جبکہ چاروں صوبوں،آزادکشمیر، گلگت بلتستان کے ثقافتی فلوٹس بھی تقریب کاحصہ ہوں گے۔

او آئی سی اجلاس کے شرکابھی یوم پاکستان پریڈمیں خصوصی طور پر مدعو کیا گیا ہے ، پریڈ میں وزرائےخارجہ سےمتعلق او آئی سی فلوٹ خصوصی طور پر شامل ہے جبکہ دوست ممالک کے دستے بھی پریڈ کا حصہ ہوں گے۔

اس سال یوم پاکستان کا تھیم "شاد رے پاکستان” ہے ، یہ دعائیہ تھیم قومی ترانے کا حصہ "مرکز یقین شاد باد” سے لیا گیا ہے ، آئی ایس پی آر نے اس حوالے سے مسحور کن ملی نغمہ بھی جاری کیا ہے۔

Comments

یہ بھی پڑھیں