اسلام آباد: وفاقی حکومت نے ذخیرہ اندوزوں کے خلاف گھیرا تنگ کرتے ہوئے سخت سزاؤں پر مشتمل آرڈیننس لانے کی تیاری کر لی۔
ذرائع کے مطابق ذخیرہ اندوزوں کے خلاف سزاؤں کے حوالے سے مجوزہ آرڈیننس منظوری کےلیے کابینہ ممبران کو ارسال کر دیا گیا ہے۔
منظوری کے بعد مجوزہ آرڈیننس صدر مملکت ڈاکٹر عارف علوی کو دستخط کے لئے بھجوایا جائے گا اور صدر پاکستان کی منظوری کے بعد مجوزہ آرڈیننس کا اجرا کیا جائے گا۔
ذرائع نے بتایا کہ آرڈیننس کا اطلاق وفاقی دارالحکومت اسلام آباد کی حدود میں ہوگا، ذخیرہ اندوزی پر3سال قید، ضبط شدہ مال کی مالیت کا 50فیصد جرمانہ ہوگا۔
واضح رہے کہ وزیراعظم عمران خان متعدد بار ذخیرہ اندوزوں کو تنبیہ کرتے ہوئے واضح کر چکے ہیں کہ ذخیرہ کر کے مصنوعی قلت پیدا کرنے والوں کے خلاف سختی سے نمٹا جائے گا اور انہیں کسی صورت رعایت نہیں دی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں