نئی دہلی : بھارتی شہری کے کرونا وائرس میں مبتلا ہونے کے بعد حکام نے اس کی درجنوں بکریوں کو بھی قرنطینہ کردیا۔
ماہرین کے مطابق کرونا کا شکار ہونے والے انسان کو 14 روز کےلیے قرنطینہ کردیا جاتا ہے لیکن چرواہے کے کوویڈ 19 میں مبتلا ہونے کے بعد بکریوں کو قرنطینہ کردیا گیا۔
جی ہاں بھارتی ریاست کرناٹکا میں بکریوں کو قرنطینہ کرنے کا واقعہ سامنے آیا ہے جہاں شہر بنگلورو کے قریب واقع ایک گاوں کے رہائشی میں وائرس کی تشخیص ہوئی تو حکام نے اس کی 47 بکریوں کو بھی آئسولیشن میں منتقل کردیا۔
Video: Goats swabbed, isolated after goatherd tests positive for #COVID19 in #Karnataka village pic.twitter.com/jdwrcftcdW
— TOI Bengaluru (@TOIBengaluru) July 1, 2020
ہوا کچھ یوں کے متاثرہ بھارتی شہری کی چار بکریاں اچانک پراسرار طور پر مرگئیں جس کے بعد چرواہے کا کرونا ٹیسٹ کیا گیا جو مثبت آیا۔
چرواہے میں کوویڈ 19 کی تصدیق نے گاوں والوں کو ہلاکر دیا اور خبر سوشل میڈیا پر وائرل ہوئی تو محکمہ صحت کے اہلکاروں نے بکریوں کا ٹیسٹ کرنے کےلیے تھوک کے نمونے لیے اور مرنے والی بکریوں کا پوسٹ مارٹم کرنے کا فیصلہ کیا تاکہ موت کی اصل وجہ جان سکیں۔
خیال رہے کہ کرونا وائرس کی مہلک ترین وبا سے متاثرہ ممالک کی فہرست میں بھارت تیسرے نمبر آگیا ہے، جہاں کرونا متاثرین کی تعداد ساڑھے 7 لاکھ کے قریب پہنچ گئی ہے۔