پاکستان پیپلز پارٹی کے چیئرمین بلاول بھٹو زرداری نے کہا ہے کہ موجودہ حکمرانوں کا کوئی مستقبل نہیں ہے انہوں نے لندن بھاگ جانا ہے۔
لاہور میں عوامی لانگ مارچ پہنچنے کے بعد ناصر باغ میں جلسے سے خطاب کرتے ہوئے بلاول بھٹو نے کہا کہ ابھی تو شروعات ہیں ہم نے لمبی اننگ کھیلنی ہے، پیپلزپارٹی کاایک بارساتھ دو، ہم آپ کودکھائیں گے اور عوام کوان کےحقوق دلائیں گے۔
پی پی چیئرمین نے کہا کہ ہمارا احتجاج سلیکٹڈ حکومت کی پالیسیوں کیخلاف ہے، حقوق حاصل کرنےکیلئےشفاف انتخابات کروانے ہونگے، اس کیلیے سب سے پہلے سلیکٹڈ حکومت کوہٹانا پڑےگا، اس دھاندلی زدہ وزیراعظم کو بھگانا پڑےگا کیونکہ عمران خان کےہوتےہوئےاصلاحات نہیں ہوسکتیں، ہم اسلام آباد پہنچ کرغیرجمہوری شخص پرجمہوری حملہ کریں گے۔
بلاول بھٹو کا کہنا تھا کہ ہم حق ملکیت کی بات کرتےہیں ،آپ کےحق روزگارکیلئےنکلےہیں، حکومت کاکام ہےوہ ملک کےشہریوں کو روزگار کےمواقع دیں، لیکن اس جھوٹےوزیراعظم نےایک کروڑنوکریاں دینےکاوعدہ کیاتھا لیکن عوام کونوکریاں دینےکےبجائےان سےچھین لیں۔
ان کا مزید کہنا تھا کہ سلیکٹڈ نےلاہورمیں نعرہ لگایاتھا50لاکھ گھردوں گا، لیکن کچھ نہ دیا، ہم روٹی کپڑا اور مکان کا نعرہ لگاتے ہیں تو اس پر عمل بھی کرتے ہیں، قائدعوام کانعرہ تھا روٹی ،کپڑاورمکان، شہید بینظیر بھٹو اور آصف زرداری نے بھی یہی نعرہ لگایا اور اس کو پورا کیا۔
پی پی چیئرمین نے مزید کہا کہ ہم تواپوزیشن میں بھی عوام کوروٹی،کپڑااورمکان دیتےہیں جب کہ یہ حکمران توحکومت میں ہوتےہوئےبھی روٹی،کپڑااورمکان چھینتےہیں، اس نے اسٹیل ملزکے16ہزارملازمین کوزبردستی نوکریوں سےنکالا لیکن پیپلزپارٹی نےان 16ہزارملازمین کی نوکریاں بحال کیں۔
پی پی چیئرمین نے کہا کہ پیپلزپارٹی نے سرکاری ملازمین کی پنشن میں سو فیصد اضافہ کیا، پنجاب کواس کاحق دیا، صوبوں کواین ایف سی ایوارڈدیا، اٹھارویں ترمیم منظورکرائی،بلوچستان کواس کےحقوق دیے، 18ویں ترمیم نہ ہوتی تومیٹروٹرین نہ بنتی،آصف زرداری سی پیک نہ لاتےتومیٹروبس نہیں بن سکتی تھی۔
بلاول کا مزید کہنا تھا کہ مارچ میں جتنامزا مجھےپنجاب میں آرہااتناکہیں نہیں آیا، پیپلزپارٹی لاہورکےعوام کاہےاورلاہورکےعوام پیپلز پارٹی کےہیں، پیپلزپارٹی کوتوڑنےکی سازش ہوئی تھی، سازش لاہورکےعوام کےخلاف تھی، لاہورکےجیالےسب سےبہادراوروفادارجیالےہیں، پیپلزپارٹی کےجیالوں نےجمہوریت کیلئےکوڑےکھائےہیں۔
بلاول نے کہا کہ جب ملک مشکل میں ہے تو ہم آپ کےپاس آئے ہیں، ملک میں جمہوریت پر حملے ہورہے ہیں، معاشی بحران ہے، خارجہ پالیسی میں کنفیوژن ہے،سلیکٹڈ نےسیاست کوگالی اورحکومت کومذاق بنادیا،عمران خان نےمعیشت کابیڑہ غرق کردیا،ان کےصرف 10وزیر قابل تھےانہیں کاغذکاٹکڑاپکڑادیا،جووزیرفیل تھےانہیں عمران خان نےسندھ بھیجا ہے مگر کوئی فائدہ نہیں ہوا۔
ان کا کہنا تھا کہ قیمتوں میں کمی حکومت کی نہیں جیالوں اوراپوزیشن کی کارکردگی ہے، عمران خان نےگھبراکرپٹرول کی قیمتوں میں کمی کااعلان کردیا، میں خودنوجوان ہوں آپ کےمسائل سمجھ سکتاہوں، چاہتےہیں نوجوان خوداپنےمسائل حل کریں، ایسا تعلیمی نصاب بنائیں گےجوماڈل ہوگا اور نوجوانوں کودنیامیں مقابلےکی صلاحیت پیداکرےگا۔
بلاول نے کہا کہ ہماری حکومت آئی توہررات وزیروں سے پوچھوں گاکتنےنوجوانوں کوروزگارملا۔
