اسلام آباد : صدر مملکت عارف علوی نے پنجاب اور خیبرپختونخوا میں 9 اپریل کو انتخابات کرانے کا اعلان کردیا۔
تفصیلات کے مطابق صدر مملکت عارف علوی نے پنجاب اور خیبرپختونخوا میں انتخابات کی تاریخ دے دی۔
صدر مملکت نے چیف الیکشن کمشنر کو خط لکھا ، جس میں پنجاب اورخیبرپختونخوا میں 9 اپریل کو انتخابات کرانے کا اعلان کیا۔
بڑی خبر۔۔ صدر عارف علوی نے پنجاب اور خیبر پختونخوا میں انتخابات کی تاریخ دے دی#ARYNews #ArifAlvi #BreakingNews pic.twitter.com/qJtkDeUElp
— ARY NEWS (@ARYNEWSOFFICIAL) February 20, 2023
عارف علوی نے کہا کہ الیکشن کمیشن سیکشن57 ٹوکےتحت انتخابات کاانعقادکرے ، آئین کےتحفظ اور دفاع کا حلف لیا ہے۔
صدر مملکت کا خط میں کہنا تھا کہ آئین اورقانون الیکشن میں 90دن سے زائدکی تاخیر کی اجازت نہیں دیا، انتخابات کی تاریخ کیلئے آئینی اور قانونی حق استعمال کیا۔
خط میں کہا گیا کہ آئین کی خلاف ورزی سے بچنے کیلئے انتخابات کی تاریخ کا اعلان کیا، پنجاب ،کےپی گورنر 90دن میں الیکشن تاریخ کی آئینی ذمہ داریاں ادانہیں کر رہے، الیکشن کمیشن بھی پنجاب ،کےپی کی اسمبلیوں کےانتخابات کی آئینی ذمہ داری پوری نہیں کر رہا۔
عارف علوی کا مزید کہنا تھا کہ دونوں آئینی دفاتر گیند ایک دوسرے کے کورٹ میں ڈال رہے ہیں،اس طرزعمل سے تاخیر اور آئینی شقوں کی خلاف ورزی کا سنگین خطرہ پیداہو رہا ہے۔
خط میں کہا گیا کہ الیکشن کمیشن پہلے ہی آئینی عہدیداروں کےنام خطوط میں انتخابات کی ممکنہ تاریخوں کااشارہ دےچکاہے، خطوط میں 90دن کے اندرانتخابات کی الیکشن کمیشن کی ذمہ داری ظاہر ہوتی ہے۔
صدر مملکت نے مزید کہا کہ اسمبلیوں کےانتخابات کی تاریخ کےاعلان کیلئےالیکشن کمیشن سےمشاورت کاسنجیدہ عمل شروع کیا ، الیکشن کمیشن نے اس موضوع پر ہونے والے اجلاس میں شرکت سے معذرت کی۔
عارف علوی کا خط میں کہنا تھا کہ سیکشن 57 ون کے تحت حاصل اختیارات کوبروئے کار لاکرتاریخ کا اعلان کررہا ہوں۔
