The news is by your side.

صدرمملکت کا ایم کیوایم رہنما خواجہ اظہارالحسن کو فون

اسلام آباد: صدر پاکستان ڈاکٹرعارف علوی نے ایم کیو ایم کے رہنما خواجہ اظہار الحسن کو فون کرکے ان کی خیریت دریافت کی۔

تفصیلات کے مطابق صدرمملکت ڈاکٹرعارف علوی نے ایم کیو ایم پاکستان کے رہنما خواجہ اظہار الحسن کو فون کرکے اپنی اور وزیراعظم کی جانب سے خیریت دریافت کی۔

صدر پاکستان ڈاکٹرعارف علوی نے کہا کہ دعا ہے کہ آپ جلد صحت یاب ہوکر اسمبلی میں دوبارہ نظر آئیں۔

دوسری وزیرصحت سندھ عذرا پیچوہو نے بھی خواجہ اظہار الحسن کو فون کرکے ان کی خیریت دریافت کی۔

ایم کیوایم کے رہنما خواجہ اظہارالحسن ٹریفک حادثے میں شدید زخمی

یاد رہے کہ گزشتہ روز ایم کیو ایم پاکستان کے رہنما خواجہ اظہار الحسن ٹول پلازہ کے قریب ٹریفک حادثے میں شدید زخمی ہوگئے تھے۔

ایم کیو ایم پاکستان کے رہنما خواجہ اظہارالحسن وزیراعظم عمران خان سے ملاقات کے بعد گھوٹکی سے واپس کراچی آرہے تھے کہ ٹول پلازہ کے قریب ان کی گاڑی حادثے کا شکار ہوئی۔

خواجہ اظہارکی گاڑی کی رفتار120 کلومیٹرفی گھنٹہ کے قریب تھی، ڈائیورژن کا نشان نہ ہونے کے باعث گاڑی بے قابوہوکرکچے میں اتری۔

ایم کیو ایم رہنما فیصل سبزواری کے مطابق خواجہ اظہارالحسن کا سٹی اسکین کیا گیا، سر میں شدید چوٹ ہے لیکن خطرے والی کوئی بات نہیں۔

Comments

یہ بھی پڑھیں