بطور صدر آئین و قانون کے مطابق کام کروں گا، عارف علوی president arif alvi
The news is by your side.

Advertisement

بطور صدر آئین و قانون کے مطابق کام کروں گا، عارف علوی

اسلام آباد: نو منتخب صدر پاکستان ڈاکٹرعارف علوی نے کہا ہے کہ کامیابی پر اللہ تعالیٰ اور عمران خان کا شکر گزار ہوں، بطور صدر آئین و قانون کے مطابق کام کروں گا، کوشش کروں گا ہر غریب کے پاس چھت، روٹی، کپڑا  ہو۔

ان خیالات کا اظہار انہوں نے میڈیا سے گفتگو کرتے ہوئے کیا، نومنتخب صدر عارف علوی نے کہا کہ کامیابی پی ٹی آئی کے ورکرز کی جدوجہد کا نتیجہ ہے، اللہ مجھے صحیح کام کرنے کا موقع دے، مجھ ناچیز کا کوئی کمال نہیں ہے، ووٹ دینے والوں کا شکریہ ادا کرتا ہوں۔

عارف علوی نے کہا کہ پی ٹی آئی کا پیغام اب حکومت کا پیغام بن گیا ہے، میں پی ٹی آئی کا نہیں پوری قوم ہر جماعت کا نومنتخب صدر ہوں، میری جیت پی ٹی آئی کے کارکنوں کی محنت کا نتیجہ ہے۔

نومنتخب صدر کا کہنا تھا کہ مجھے منتخب کرنے پر اتحادی جماعتوں کا شکریہ ادا کرتا ہوں، سیکیورٹی اور پروٹوکول میں فرق ہوتا ہے، سیکیورٹی ضرورت ہے، پروٹوکول کم سے کم ہونا چاہئے۔

مزید پڑھیں: صدارتی انتخاب 2018: عارف علوی تیرہویں صدر پاکستان منتخب ہوگئے

عارف علوی نے کہا کہ کوشش ہوگی ہر بے روزگار کو روزگار فراہم ہو، میری سیاسی جدوجہد ایوب خان کے دور سے چل رہی ہے، میری جہاں ضرورت ہوگی حاضر ہوں گا، ہر آدمی کی دہلیز تک انصاف جانا چاہئے، مریضوں کا علاج ہونا چاہئے۔

انہوں نے کہا کہ جو بچے اسکول کے باہر ہیں انہیں اسکولوں میں ہونا چاہئے، بہتر انداز میں صدر کے عہدے پر کام کروں گا، پاکستان کی ترقی و خوشحالی کے لیے جدوجہد کروں گا۔

Comments

comments

یہ بھی پڑھیں