The news is by your side.

Advertisement

وزیراعظم کی انتخابی اصلاحات اور الیکٹرانک ووٹنگ کیلئے جلد قانون سازی کی ہدایت

اسلام آباد : مشیر پارلیمانی امور ڈاکٹر بابر اعوان کا کہنا ہے کہ وزیراعظم نےانتخابی اصلاحات اور الیکٹرانک ووٹنگ کیلئے قانون سازی جلد کرنے کی ہدایت کردی ہے۔

تفصیلات کے مطابق صدر عارف علوی سے مشیر پارلیمانی امور ڈاکٹر بابر اعوان کی ملاقات ہوئی ، ملاقات میں پارلیمنٹ کے مشترکہ سیشن سے صدر کے آئندہ خطاب پر مشاورت کی گئی۔

صدر کی جانب سے پارلیمانی بزنس کو پیپر لیس کرنے کی کاوشوں کو خراجِ تحسین پیش کیا اور انتخابی اصلاحات سمیت اوورسیز پاکستانیوں کے ووٹ کے حق کیلئے کوششوں کو بھی سراہا۔

صدر مملکت نے کہا جمہوریت کو مستحکم بنانے کیلئے ای وی ایم ٹیکنالوجی ضروری ہے ، بابر اعوان نے صدر کو یقین دہانی کرائی کہ آئین میں درج اسمبلی کے ایام پورے کریں گے۔

بابر اعوان کا کہنا تھا کہ انتخابات میں ووٹ کاحق اوورسیزپاکستانیوں کیلئےآئینی تقاضاہے، موجودہ حکومت اوورسیز پاکستانیوں سےکیاوعدہ پورا کرے گی۔

مشیر پارلیمانی امور نے کہا وزیراعظم نے انتخابی اصلاحات اور الیکٹرانک ووٹنگ کیلئے قانون سازی جلد کرنے کی ہدایت کی ہے۔

Comments

یہ بھی پڑھیں