اسلام آباد : صدرمملکت عارف علوی نے کہا ہے کہ نیویارک ٹائمز نے مقبوضہ کشمیر میں سانپ کے ڈسنے اور اموات کا انکشاف کیا، مقبوضہ کشمیر کے عوام اس زہر کے علاج کیلئے دنیا کا دروازہ کھٹکھٹا رہے ہیں۔
تفصیلات کے مطابق صدرمملکت عارف علوی نے سماجی رابطے کی ویب سائٹ ٹوئٹر پر اپنے بیان میں امریکی اخبار نیویارک ٹائمز کا حوالہ دیتے ہوئے کہا
مقبوضہ کشمیرمیں سانپ کےڈسنےاوراموات کاانکشاف کیا اور اس سے بڑی خبر کشمیریوں کو آر ایس ایس کی انتہاپسندی کے سانپ کا ڈسنا ہے، مقبوضہ کشمیر کے عوام اس زہر کے علاج کیلئے دنیا کا دروازہ کھٹکھٹا رہے ہیں۔
A revealing NYT story of snake bites & deaths due to clampdown in Kashmir.
The bigger story however is that the snake of Hindutva/RSS extremism has bitten people of Kashmir. They are in desperate search of anti-venom, knocking the doors of UN & World Govtshttps://t.co/wkFTCMp15v pic.twitter.com/1WnixDf4g7— Dr. Arif Alvi (@ArifAlvi) October 8, 2019
یاد رہے گذشتہ روز امریکی اخبار نیویارک ٹائمز نے مقبوضہ کشمیر میں تڑپتے مریضوں اور بے بس ڈاکٹروں کی صورتحال سے پردہ اٹھایا تھا، اپنی رپورٹ کہا تھا کہ وادی میں دوماہ سے انٹرنیٹ اورموبائل سروس بند ہونے سے کشمیری عوام شدید مشکلات کا شکارہیں، لوگ مریضوں کواسپتال لے جانے کے لئے ایمبولینس سے رابطہ نہیں کرسکتے، ایمبولینس نہ ہونے کی وجہ سے مریض جان کی بازی ہاررہے ہیں۔
رپورٹ میں کہا گیا تھا کہ ایمبولینس مل بھی جائے توبھارتی فوجی جگہ جگہ روکتے ہیں، کشمیری خاتون کوبائیس سال کے بیٹے کی جان بچانے کے لئے سولہ گھنٹے پیدل چلنا پڑا، سفرکے دوران متعددبھارتی چیک پوسٹوں اورناکوں سے گزرنا پڑا، خاتون کے بیٹے کو سانپ نے ڈسا تھا۔
امریکی اخبار نے کہا تھا کہ کینسر کے مریض کمیونیکیشن بلیک آؤٹ کے باعث آن لائن دوا منگوانے سے محروم ہیں، ڈاکٹرز بھی مریضوں کے علاج کے لئے ایک دوسرے سے رابطہ نہیں کرسکتے۔
بعد ازاں ترجمان دفتر خارجہ کی جانب سے جاری بیان میں کہا گیا تھا کہ نیویارک ٹائمز کی رپورٹ کے مطابق علاج نہ ہونے سے کئی لوگ جاں بحق ہوئے رابطوں کے تعطل سے بھی شدید مشکلات کھڑی ہوئی ہیں،کشمیریوں کے محاصرے نے کئی معصوم جانیں لے لیں، ڈاکٹروں کو مریضوں تک پہنچنے اور علاج میں شدید ترین مشکلات درپیش ہیں۔