The news is by your side.

Advertisement

صدرپاکستان نے ٹیکس ایمنسٹی اسکیم کے آرڈیننس پردستخط کردیے

اسلام آباد: صدرر مملکت عارف علوی نے اثاثے ظاہر کرنے سے متعلق ٹیکس ایمنسٹی اسکیم آرڈیننس 2019 پردستخط کردیے۔

تفصیلات کے صدرپاکستان ڈاکٹر عارف علوی نے اثاثہ جات ظاہرکرنے سے متعلق ٹیکس ایمنسٹی اسکیم آرڈیننس 2019 پردستخط کردیے جس کے بعد اسکیم کا اطلاق فوری طور پر ملک بھر میں ہوگا۔

وفاقی حکومت کی جانب سے جاری کردہ اسکیم کا اطلاق 30 جون 2018 تک حاصل کیے گئے غیراعلانیہ اثاثہ جات پر ہوگا، اسکیم کے تحت اندورن ملک غیرمنقولہ جائیداد پر 4 فیصد کی شرح سے ٹیکس دینا ہوگا اور جرمانہ ادا کرکے 30 جون 2020 تک فائدہ اٹھایا جاسکتا ہے

وفاقی کابینہ نے اثاثے ظاہر کرنے کی اسکیم کی منظوری دے دی

یاد رہے کہ گزشتہ روز وزیراعظم عمران خان کی زیر صدارت اجلاس میں وفاقی کابینہ نے اثاثے ظاہر کرنے کی اسکیم کی منظوری دی تھی۔

اسکیم کا اطلاق بے نامی بینک اکاؤنٹس پر بھی ہوگا، اسکیم عدالتوں میں زیر التوا کیسز کے لیے نہیں ہوگی۔ سنہ 2000 کے بعد سرکاری عہدہ رکھنے والے اسکیم سے فائدہ نہیں اٹھا سکیں گے۔

اسکیم کے تحت بیرون ملک اثاثے ظاہر کرنے کے لیے 6 فیصد ٹیکس ادا کرنا ہوگا جبکہ اندرون ملک اثاثوں کی کل مالیت کا 4 فیصد ٹیکس ادا کر کے ظاہر کیا جا سکے گا۔

Comments

یہ بھی پڑھیں