The news is by your side.

Advertisement

صدر مملکت نے 4کروڑ روپے سے زائد کے تحائف سرکاری توشہ خانے میں جمع کرادئیے

اسلام آباد : صدر مملکت عارف علوی نے دورہ سعودی عرب میں ملنے والے تحائف سرکاری توشہ خانے میں جمع کرادئیے، جمع کرائے گئے تحائف کی کل مالیت چار کروڑ سات لاکھ 48 ہزار 708 روپے ہے۔

تفصیلات کے مطابق صدر مملکت ڈاکٹر عارف علوی نے اہلخانہ کو دورہ سعودی عرب کے دوران ملنے والے تحائف سرکاری توشہ خانہ میں جمع کرادیئے، صدر کی جانب سے تحفے میں ملنے والی ایک تسبیح، ایک پین، ایک گھڑی، ایک انگوٹھی اور دو پروفیومز جبکہ صدر کی اہلیہ مسز ثمینہ علوی نے ایک نیکلس، ایک انگوٹھی، ایک بریسلٹ اور بالیوں کا جوڑا جمع کرایا ۔

عارف علوی کے بیٹے عواب علوی نے ایک گھڑی، بہو صادقہ عواب علوی نے رولکس کی ایک گھڑی اور بیٹی نائمہ علوی نے بھی ایک گھڑی قومی توشے خانے میں جمع کرائی ۔

صدر مملکت اوران کے خاندان کے افراد کی جانب سے جمع کرائے گئے تحائف کی کل مالیت چار کروڑ سات لاکھ 48 ہزار 708 روپے ہے۔

مزید پڑھیں : وزیرخارجہ نے دورۂ سعودی عرب میں ملنے والے قیمتی تحائف توشہ خانےمیں جمع کرادیئے

اس سے قبل وزیراعظم عمران خان نے بھی سعودی ولی عہد محمد بن سلمان کی جانب سے تحفے میں ملنے والی گھڑی کو بھی قومی خزانے میں جمع کرادیا تھا، جس کی مالیت ایک کروڑ 10 لاکھ روپے سے زائد تھی۔

یاد رہے وزیر خارجہ شاہ محمود قریشی اور سابق وزیرخزانہ اسدعمر نے بھی دورہ سعودی عرب کے دوران ملنے والے مہنگے تحائف کو سرکاری توشہ خانے میں جمع کرادیا تھا، وزیرخارجہ کو دورہ سعودی عرب میں63 لاکھ مالیت کےتحائف ملے تھے۔

Comments

comments

یہ بھی پڑھیں