The news is by your side.

Advertisement

صدر مملکت عارف علوی 30 اگست کو پارلیمنٹ سے خطاب کریں گے

اسلام آباد: صدر مملکت ڈاکٹر عارف علوی 30 اگست کو پارلیمنٹ کے مشترکہ اجلاس سے خطاب کریں گے، یہ ان کا پارلیمنٹ سے دوسرا خطاب ہوگا۔

تفصیلات کے مطابق پارلیمنٹ کا مشترکہ اجلاس 30 اگست کو طلب کرلیا گیا ہے جس سے صدر مملکت ڈاکٹر عارف علوی خطاب کریں گے۔

پارلیمنٹ کا مشترکہ اجلاس 30 اگست کو شام 5 بجے طلب کیا گیا ہے۔

خیال رہے کہ صدر مملکت ڈاکٹر عارف علوی نے پارلیمنٹ کے مشترکہ اجلاس سے پہلا خطاب گزشتہ برس 17 ستمبر کو کیا تھا۔ اس موقع پر مسلم لیگ نے اجلاس سے واک آؤٹ کیا تھا۔

اپنے خطاب میں صدر مملکت کا کہنا تھا کہ ہمارا سیاسی نظام عدم استحکام کا شکار رہا، لیکن خوش آئند ہے کہ گزشتہ 3 اسمبلیاں مدت پوری کرنے میں کامیاب رہیں۔ ہمارا بڑا مسئلہ گروہی مفادات و بے پناہ کرپشن ہے۔

انہوں نے کہا تھا کہ قومیں مسائل سے دو چار ہوتی ہیں اور مسائل سے باہر بھی نکلتی ہیں، زندہ و باہمت قومیں مسائل سے گھبرایا نہیں کرتیں۔ پاکستان میں احتساب کے اداروں کو مضبوط کرنے کی ضرورت ہے۔

صدر مملکت نےمزید کہا تھا کہ بلوچستان و سندھ کے مختلف علاقے خشک سالی کا شکار ہیں، ملک کو گلوبل وارمنگ سے بچنے کے لیے شجر کاری و نئے ڈیم بنانے ہوں گے۔

Comments

comments

یہ بھی پڑھیں