تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

امریکی صدرڈونلڈ ٹرمپ آج اسٹیٹ آف دی یونین خطاب کریں گے

واشنگٹن: امریکا میں حکومتی شٹ ڈاؤن ختم ہونے کے بعد صدر ڈونلڈ ٹرمپ آج پانچ فروری کو اسٹیٹ آف دی یونین خطاب کریں گے۔

تفصیلات کے مطابق امریکی صدر ڈونلڈ ٹرمپ آج اسٹیٹ آف دی یونین خطاب کریں گے، اس خطاب میں ممکنہ طورپرصدر ٹرمپ میکسیکو بارڈر پر دیوار کی تعمیر کے موضوع پراظہارخیال کریں گے۔

اسٹیٹ آف دی یونین وہ خطاب ہے جو امریکا کے صدرعموماََ ہرسال کانگریس کے دونوں ایوانوں سینیٹ اور ایوان نمائندگان کے مشترکہ اجلاس سے کرتے ہیں۔

امریکی صدر اس خطاب میں ملکی وبین الاقوامی صورت حال اور قانون سازی سے متعلق اپنی حکومت کی پالیسی اور ترجیحات بیان کرتے ہیں۔

یاد رہے کہ رواں سال امریکی صدر کو اسٹیٹ آف دی یونین خطاب 29 جنوری کو کرنا تھا لیکن امریکی حکومت کے شٹ ڈاؤن اور میکسیکوکی سرحد پر دیوار کی تعمیر سے متعلق اختلافات کے باعث اسپیکرنینسی پیلوسی نے صدر جو خطاب کی دی گئی دعوت واپس لے لی تھی۔

نینسی پیلوسی کی جانب سے خطاب کی دعوت واپس لینے کے بعد وائٹ ہاؤس کے حکام نے دھمکی دی تھی کہ صدر کسی متبادل مقام پرعوامی اجتماع میں اپنا یہ سالانہ خطاب کریں گے۔

امریکی صدرنے کانگریس سے خطاب کی دعوت قبول کرلی

بعدازں امریکی صدر ڈونلڈ ٹرمپ کا کہنا تھا کہ وہ اسٹیٹ آف دی یونین خطاب کانگریس میں ہی کریں گے اور اس کے لیے شٹ ڈاؤن کے خاتمے تک انتظار کرنے کوترجیح دیں گے۔

واضح رہے کہ 29 جنوری کو امریکی صدر ڈونلڈ ٹرمپ نے ایوان نمائندگان کی اسپیکر نینسی پیلوسی کی جانب سے 5 فروری کو کانگریس کے مشترکہ اجلاس سے اسٹیٹ آف دی یونین خطاب کرنے کی دعوت قبول کی تھی۔

Comments

- Advertisement -