تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ہیٹی کے صدر کو قتل کر دیا گیا

پورٹ او پرنس: کیریبئن ملک ہیٹی کے صدر کو قتل کر دیا گیا۔

تفصیلات کے مطابق غیر ملکی میڈیا کا کہنا ہے کہ کیریبئن ملک ہیٹی کے صدر جووینل موئس کوبدھ کے روز ان کے گھر میں قتل کر دیا گیا ہے۔

حکومتی بیان میں کہا گیا ہے کہ مسلح افراد نے صبح سویرے صدر موئس کے گھر میں گھس کر فائرنگ کی، جس سے صدر مملکت ہلاک جب کہ ان کی اہلیہ بھی زخمی ہو گئیں۔

ہیٹی کے وزیر اعظم کلاڈ جوزف نے بیان میں کہا کہ جووینل موئس کو رات ایک بجے دارالحکومت میں ان کی ذاتی رہائش گاہ میں حملہ آوروں کے ایک گروپ نے قتل کیا، ان کی اہلیہ کو بھی گولی لگی۔

وزیر اعظم کے بیان میں حملہ آوروں کی شناخت سے متعلق کچھ نہیں بتایا گیا ہے تاہم یہ کہا جا رہا ہے کہ وہ ہسپانوی زبان بولنے والے تھے، انھوں نے حملے کو غیر انسانی اور بربریت قرار دیا۔ صدر مملکت کے قتل کے بعد اب ہیٹی کے سربراہ کلاڈ جوزف ہوں گے۔

جووینل موئس فروری 2017 میں ہیٹی کے صدر بنے تھے، ان کے خلاف کئی برسوں سے احتجاج جاری تھا، اور ان سے مستعفی ہونے کا مطالبہ کیا جا رہا تھا۔

Comments

- Advertisement -