کراچی: صدر مملکت ممنون حسین کا کہنا ہے کہ امید کرتے ہیں کہ ایک سال میں بجلی پیداوار میں خود کفالت کی منزل حاصل کرلیں گے، حکومت نے توانائی بحران سے نمٹنے کیلئے ٹھوس پالیسیاں تشکیل دیں ہیں.
تفصیلات کے مطابق صدر مملکت ممنون حسین نے کول پاورپلانٹ کی افتتاحی تقریب سے خطاب کرتے ہوئے کہا کہ حکومت نے توانائی بحران سے نمٹنے کیلئے ٹھوس پالیسیاں تشکیل دیں ہیں، صدر ممنون حسین نے دوران خطاب اپنی توقعات کا اظہار کرتے ہوئے کہا کہ توقع ہے کہ ایک سال میں بجلی پیداوار میں خود کفالت کی منزل حاصل کرلیں گے.
انہوں نے کہا کہ ملک میں لوڈشیڈنگ میں نمایاں کمی ہوچکی ہے، لوڈشیڈنگ میں کمی سےصنعتی پیداوار میں اضافہ اور بیروز گاری میں کمی ہورہی ہے، توانائی میں خودکفالت سےکسان خوشحالی اورزرعی شعبہ ترقی کرئے گا،.
صدرمملکت ممنون حسین نے کہا کہ مستقبل کے حوالے سے اطمینان کا اظہار کرتے ہوئے کہا کہ اقتصادی راہداری کی تکمیل سے پاکستان خطے کا اہم ترین ملک بن جائے گا.
یہاں پڑھیں:حب پاورکمپنی کوئلےسے بجلی پیداکرےگی۔
یاد رہے ، 2 سال قبل حب پاور کمپنی نے چینی کمپنیوں کے تعاون سے چھ سو ساٹھ میگاواٹ کے نئے کول پاور پلانٹ کی منصوبہ بندی کی تھی، جس کی لاگت ایک ارب ڈالر کے لگ بھگ مقرر کی گئی تھی۔
