The news is by your side.

Advertisement

چھوٹی کمپنیوں کو سہولیات کی فراہمی، صدر مملکت کی کمپنیز ایکٹ میں ترامیم کی منظوری

اسلام آباد : صدر مملکت عارف علوی نے کمپنیز ایکٹ میں ترامیم کی منظور کرلیں ، جس کے تحت چھوٹی کمپنیوں کو آڈیٹر سرٹیفیکٹ جمع کروانے کی شرائط ختم کر دی گئیں جبکہ پرائیویٹ لمیٹڈ کمپنی کے ویلیوائیشن کا طریقہ کار بھی تبدیل کردیا گیا۔

تفصیلات کے مطابق صدر مملکت عارف علوی نے کمپنیز ایکٹ میں ترامیم کی منظوری دے دی، ترامیم سٹارٹ اپ کے فروغ اور سرمایہ کاروں کے لئے کاروبار کو سہل بنانے کے لیے تجویز کی گئیں تھیں۔

ترامیم کے تحت چھوٹی کمپنیوں کو سہولت فراہم کرنے کے لئے 30 دن کے اندر سبسکرپشن منی جمع کروانے اور آڈیٹر سرٹیفیکٹ جمع کروانے کی شرائط ختم کر دی گئیں۔

کمپنیز ایکٹ میں آرڈینس کے ذریعے کی گئی ترامیم میں قانون میں سٹارٹ اپ کی جامع تعریف شامل کر دی گئی ہے جبکہ کمپنیوں کی جانب سے ملازمین کو کمپنیوں کے شئیرز دینے کے لئے ایمپلائز اسٹاک آپشن اسکیم اور کمپنیوں کی جانب سے مارکیٹ سے کمپنیوں کے حصص کی واپسی خریداری کے لئے ضروری ترامیم بھی متعارف کروا دی گئیں ہیں۔

کمپنیز ایکٹ کے مطابق کمپنی کا بانی رکن کمپنی کو شئیرز واپس فروخت کر کے کمپنی سے الگ ہو سکتا ہے، پرائیویٹ لمیٹڈ کمپنی کے ویلیوائیشن کا طریقہ کار بھی تبدیل کردیا گیا، اس کے لئے کمپنیز کے حصص کے اجرا کے ریگولیشنز میں ترامیم کی جائیں گی۔

کمپنیز ایکٹ میں ایک نئی شق متعارف کروائی گئی ہے، جس کے تحت کمیشن کو کاروباری آسانیاں فراہم کرنے کے لئے اختیارات بڑھا دیئے گئے ہیں۔

Comments

یہ بھی پڑھیں