The news is by your side.

Advertisement

نشہ میں دھت صدر پتوکی بار کی خاتون جج سے بدتمیزی

پنجاب میں وکلا گردی کا ایک اور واقعہ پیش آگیا، نشے میں دھت صدر پتوکی بار ایسوسی ایشن نے خاتون جج سے بدتمیزی اور گالم گلوچ کی۔

نمائندہ اے آر وائی نیوز کے مطابق پتوکی بار ایسوسی ایشن مدثر نعیم بھٹی نے گزشتہ روز تحصیل کورٹس پتوکی میں خاتون جج سے بدتمیزی کی اور کمرہ عدالت میں کھڑے ہوئے نازیبا الفاط کا استعمال کیا۔

ججز نےڈسٹرکٹ اینڈسیشن جج قصور کو خط میں واقعے کی تمام تفصیلات سےآگاہ کرتے ہوئے لکھا کہ مدثرنعیم نے نشے میں سول جج کو گالیاں دیں اس سے پہلے بھی ججز کو ایسی حرکات کاسامنا رہا ہے جب کہ تمام تر شواہد دکھانے کے باوجود کوئی کارروائی نہیں کی گئی۔

خاتون جج سے بدتمیزی پر تحصیل کورٹس پتوکی کے10ججز نے احتجاجاً کام چھوڑ دیا ہے اور 10 دن کی چھٹی کی درخواست دیتے ہوئے کہا ہے کہ موجودہ حالات میں کام کرنامشکل ہے لہذا وہ احتجاجاً چھٹی پر جارہے ہیں۔

صدر بار ایسوسی ایشن کے خلاف شکایات پر سینئر وکلاء نے جج کے تحفظات دور کرنے کی کوشش کی مگر مذاکرات ناکام ہوگئے۔ ججز کا کہنا ہے کہ خاتون سول جج کے خلاف بدتمیزی کرنے والے بار صدر کے خلاف کارروائی کی جائے۔

Comments

یہ بھی پڑھیں