کراچی : صدرپی ایف یو جے افضل بٹ کا کہنا ہے کہ عدالتی احکامات کے باوجود اے وائی نیوز کی نشریات بحال نہیں کی گئیں، چیئرمین پیمرا کے خلاف ہر صورت توہین عدالت کی کارروائی ہونی چاہیے۔
تفصیلات کے مطابق صدرپی ایف یو جے افضل بٹ نے سندھ ہائی کورٹ میں اے آروائی نیوز کی نشریات کی بندش کیخلاف کیس کی سماعت کے حوالے سے خصوصی گفتگو کرتے ہوئے کہا چیئرمین پیمرا کے خلاف آج توہین عدالت کی کارروائی ہونی چاہیے تھی۔
اے آروائی نیوز براہِ راست دیکھیں live.arynews.tv پر
افضل بٹ کا کہنا تھا کہ اےآروائی نیوز کی نشریات پر پابندی لگے ایک ہفتہ گزر چکا ہے ، کئی بار عدالتی احکامات کے باوجود نشریات بحال نہیں کی گئیں۔۔
صدرپی ایف یو جے کا کہنا تھا کہ پیمرا نے ابھی تک عدالتی احکامات پر عمل درآمد نہیں کیا، ایف یو جے کا خیال ہے چیئرمین پیمرا کے خلاف ہر صورت توہین عدالت کی کارروائی ہونی چاہیے تھی۔
انھوں نے کہا کہ میراخیال ہے چیئرمین پیمرا نے محض تاخیری حربے استعمال کئے ، پیمرا کا یہ فرض ہے کہ لائسنس جاری کیا تو کیبل آپریٹرز کو چینل بند کرنے کی اجازت نہ دے۔
افضل بٹ کا مزید کہنا تھا کہ پیمرا کو عدالت نے 2 حکم جاری کئے مگر اس نے عملدرآمد نہیں کرایا، پیمرا کا جاری کردہ لائسنس کیبل آپریٹر تسلیم نہیں کرتا تو کون تسلیم کرے گا ۔
