عیدالفطرسادگی سےمنائی جائے‘صدر اوروزیراعظم -
The news is by your side.

Advertisement

عیدالفطرسادگی سےمنائی جائے‘صدر اوروزیراعظم

اسلام آباد: صدر ممنون حسین اور وزیر اعظم نوازشریف نے عید الفطر کے موقع پرقوم کو مبارکباد پیش کرتے ہوئے کہاہے کہ عید پر دہشت گردی کے شکار پاکستانیوں کو یاد رکھا جائے۔

تفصیلات کےمطابق صدرِپاکستان نےعیدالفطرکےموقع پراپنے پیغام میں کہاکہ عید کے اس مسرت بھرے موقع پر میں عالم اسلام کو اوراہل پاکستان کو بالخصوص دل کی گہرائی سے مبارک باد پیش کرتا ہوں۔

صدرممنون حسین نے کہاکہ یہ دن ہمیں باہمی رنجشیں اور کدورتیں ختم کر کے بھائی چارے کے فروغ کا درس دیتا ہے۔

صدرِمملکت نےاپنےپیغام میں کہا کہ ان مبارک ساعتوں میں رب کعبہ کے حضور دُعاگو ہوں کہ وہ وطنِ عزیز کو امن و ترقی کا گہوارہ بنائے اور ہمیں ہمیشہ اپنی نعمتوں سے نوازتا رہے۔


ملک بھرمیں آج عید الفطرمذہبی جوش وجذبے سے منائی جارہی ہے


دوسری جانب وزیراعظم نےعید الفطر کے موقع پر اپنے خصوصی پیغام میں کہاکہ عیدالفطر مسلمانوں کے لیے اجتماعی خوشی کا دِن ہے، یہ ماہِ رمضان کاایک مبار ک دن ہی تھا جب پاکستان معرضِ وجود میں آیا تھا،پاکستان مختلف مذاہب کے ماننے والوں کا ایک گلدستہ ہے۔

وزیراعظم نوازشریف نےکہاکہ آج کے دن بھی بھائی چارے کا یہ جذبہ ہر بستی اور محلے میں دکھائی دے گا۔ انہوں نے کہا کہ سیاسی استحکام کے بغیر معاشی استحکام کا خواب شرمندہ تعبیر نہیں ہوسکتا۔

واضح رہےکہ وزیراعظم پاکستان نے علما ئے کرام سے بھی گزارش کی کہ وہ عید کے خطبات میں امن اور بھائی چارے کا درس دیں اور لوگوں کوان جرائم پیشہ افراد کی حقیقت بتائیں جو بربریت کے لیے مذہب کا نام استعمال کرتے ہیں۔

Comments

comments

یہ بھی پڑھیں