اسلام آباد: صدر ممنون حسین آج پارلیمنٹ کے مشترکہ اجلاس سے خطاب کریں گے،صدر پارلیمنٹ کے مشترکہ اجلاس سے تیسری بار خطاب کریں گے.
تفصیلات کے مطابق اسلام آباد میں پارلیمنٹ کا مشترکہ اجلاس گیارہ بجے ہوگا،صدر ممنون حسین پارلیمنٹ کے مشترکہ اجلاس سے خطاب کریں گے.
صدر پاکستان مسلم لیگ ن حکومت کی کارکردگی کو اُجاگر کرنے کے ساتھ ساتھ ملک کو درپیش دہشت گردی اور انتہاپسندی جیسے چیلنجوں کا ذکر کریں گے۔
پارلیمنٹ کے مشترکہ اجلاس میں صدر پاکستان دہشت گردی کے خلاف جنگ میں سیکورٹی فورسز کی کامیابیوں پر بھی روشنی ڈالیں گے۔
قومی اسمبلی سیکرٹریٹ نے صدارتی خطاب کے لیے تیاریاں مکمل کرلیں،پارلیمنٹ کے مشترکہ اجلاس میں سیاسی اور عسکری قیادت شرکت کرے گی.
وزیراعظم نوازشریف ان کی صحت کی وجہ سے اجلاس میں شرکت نہیں کریں گے،مشترکہ اجلاس میں سینٹ چیئرمین رضاربانی،تحریک انصاف کےسربراہ عمران خان، اپوزیشن لیڈر خورشید شاہ، اعتزازاحسن سمیت وفاقی کابینہ کے ارکان، وزرائے اعلی اور صوبوں کے گورنرز اجلاس میں شرکت کریں گے.
واضح رہے کہ پاکستان کے آئین کے مطابق نئے پارلیمانی سال کے آغاز میں صدر پاکستان پارلیمنٹ کے مشترکہ اجلاس سے خطاب کرنا لازمی ہے اور یہ روایت 1985 میں سابق فوجی حکمران ضیائ الحق کے دور سے شروع ہوئی تھی۔
