تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ممکنہ مواخذے پر صدر ٹرمپ سیخ پا

واشنگٹن : ڈونلڈ ٹرمپ نے ممکنہ مواخذے پر شدید غصّے کا اظہار کرتے ہوئے کہا کہ کیا مواخذہ فوجی کو سب سے زیادہ مضبوط بنانےاور ٹیکس میں نمایاں کمی کرنے کےلیے ہے؟

تفصیلات کے مطابق امریکی ایوان نمائندگان کی اسپیکر نینسی پلوسی نے صدرٹرمپ کے مواخذےکی کارروائی کااعلان کیا تھا، جس کے بعد وائٹ ہاوس نے ڈونلڈ ٹرمپ کے خلاف مواخذےتحقیقات میں تعاون کرنے سے انکار کردیا رتھا۔

امریکی صدر ڈونلڈ ٹرمپ نے سماجی رابطے کی ویب سائٹ پر اپنے مواخذے کےخلاف کیے گئے ٹویٹ میں سوالیہ انداز میں کہا کہ مواخذہ کس لیے؟ تاریخ میں معیشت سب سے بہتر بنانے کےلیے؟

ڈونلڈٹرمپ کامواخذہ کس لیے؟ فوجی کو سب سے زیادہ مضبوط بنانے اور ٹیکس میں نمایاں کمی کرنے کےلیے؟

اس سے قبل مواخذے کے اعلان کے بعد امریکی صدر ٹرمپ سماجی رابطے کی ویب سائٹ ٹویٹر پر ردعمل کا اظہار کرتے ہوئے کہاتھا کہ ’ مواخذےکی کارروائی کاعلان صدرکوہراساں کرنے کے مترادف ہے‘۔

یاد رہے 13 سمتبر کو امریکی ایوان نمائندگان کی عدالتی کمیٹی نے صدرٹرمپ کے مواخذے سےمتعلق تحقیقات تیز کرنے کی منظوری دی تھی اور کہا تھا کہ تحقیقات کی روشنی میں قانون ساز فیصلہ کرسکیں گے کہ صدرٹرمپ کے مواخذے کی سفارش کی جائے یا نہیں۔

خیال رہے ایوان نمائندگان کے ایک سو پینتیس ڈیموکریٹ ارکان صدرٹرمپ کے مواخذے کے حامی ہیں، مواخذے کو کامیاب بنانےکے لیے دوسو اٹھارہ ووٹوں کی ضرورت ہے۔

Comments

- Advertisement -