بیرون ملک تعلیم کے نام پر طلباء سے کروڑوں روپے کا فراڈ -
The news is by your side.

Advertisement

بیرون ملک تعلیم کے نام پر طلباء سے کروڑوں روپے کا فراڈ

ایبٹ آباد : بیرون ملک تعلیم کے نام پر طالب علموں سے کروڑوں روپے بٹورنے والا گروہ سرگرم ہوگیا، استاد انسٹی ٹیوٹ آف سائنس ٹیکنالوجی کے متاثرہ طلباء سراپا احتجاج بن گے۔

مظاہرین نے حکومت سے تعلیمی ادارے کے خلاف سخت کارروائی کا مطالبہ کیا ہے۔ متاثرہ طالب علموں نے پریس کانفرنس سے خطاب کرتے ہو ئے کہا کہ استاد انسٹی ٹیوٹ آف سائنس ٹیکنالوجی کی انتظامیہ نے ان سے الیکٹریکل اور الیکٹرانکس انجنئیرنگ کے کورس کرانے کیلئے ان سے کڑوڑوں روپے وصول کئے ہیں۔

انہوں نے کہا کہ انہیں یقین دہانی کروائی گئی تھی کہ ان کی ڈگری ایڈیکسل یوکے سے رجسٹرڈ ہے تاہم کورس مکمل ہونے کے بعد پتہ چلا کہ کوئی بھی ڈگری یوکے سے رجسٹرڈ نہیں، اور کالج انتظامیہ کالج بند کرکے فرار ہو گئی ہے۔

کالج انتظامیہ کے دونوں اعلیٰ عہدیدار ایبٹ آباد یونیورسٹی میں بطور پروفیسرز اپنی ڈیوٹیاں سر انجام دے رہے ہیں۔

طلباء کا کہنا تھا کہ کالج انتظامیہ کے خلاف کارروائی کیلئے ایف آئی اے کو بھی درخواست دے دی ہے، طلباء نے حکومت سے مطالبہ کیا ہے کہ ان کا مستقبل تاریک کرنے والی انتظامیہ کے خلاف سخت ترین کاروائی عمل میں لائی جائے۔

Comments

comments

یہ بھی پڑھیں