The news is by your side.

Advertisement

سلامتی کونسل کشمیریوں کو حق خود ارادیت دلائے، حریت کانفرنس کا مطالبہ

اسلام آباد: کل جماعتی حریت کانفرنس آزاد کشمیر شاخ نے مطالبہ کیا ہے کہ سلامتی کونسل کشمیریوں کو حق خود ارادیت دلائے۔

تفصیلات کے مطابق آج اسلام آباد میں اقوام متحدہ کے مبصرین دفتر کے سامنے ایک احتجاجی مظاہرے کے دوران اقوام متحدہ کی سلامتی کونسل پر زور دیا گیا کہ وہ کشمیریوں کو ان کا ناقابل تنسیخ حق، حق خوداردیت دلانے کیلئے اقدامات کرے۔

مظاہرے کے دوران اقوام متحدہ کے سیکرٹری جنرل کے نام مبصرین دفتر کو پیش کی جانے والی ایک یادداشت میں بھارتی فوجیوں کی طرف سے کنٹرول لائن کے پار سے آزاد کشمیر میں شہری آبادی پر بلا اشتعال فائرنگ کی شدید مذمت کی گئی۔

ادھر جنوبی اشیا اور دنیا بھر کے معروف کارکنوں نے ایک مشترکہ بیان میں جموںوکشمیر کے لوگوں کے ساتھ اظہار یکجہتی کرتے ہوئے انہیں غیر انسانی طریقے سے محاصرے میں رکھنے کی شدید مذمت کی۔

بیان جس پر جنوبی ایشیا سے تعلق رکھنے والے اور جنوبی ایشیائی امور پر کام کرنے والے 250سے زائد صحافیوں، اساتذہ، سکالروں، فنکاروں اور انسانی حقوق کے کارکنوں نے دستخط کیے جس میں بھارت کی طرف سے مقبوضہ کشمیر میں شہری آزادیاں سلب کرنے، مواصلات کی بندش اور مظالم کی مذمت کی۔

مسئلہ کشمیر کے حل میں تاخیر پوری دنیا کے لیے خطرہ ہے، حریت کانفرنس

دریں اثنا کشمیریوں اور ایرانیوں نے مقبوضہ کشمیر کی خصوصی حیثیت تبدیل کرنے کی بھارتی کارروائی کے خلاف ایران کے شہر قم میں مظاہرہ کیا۔ مظاہرین نے بھارت کے خلاف اورکشمیر کی بھارتی قبضے سے آزادی کے حق میں نعرے لگائے۔

Comments

comments

یہ بھی پڑھیں