site
stats
بزنس

سی این جی کی قیمت کیا ہوگی،پمپ مالک خود طے کرے گا

کراچی: پنجاب کے بعد سندھ اور کے پی کے میں بھی سی این جی کی قیمت ڈی ریگولیٹ کردی گئیں، اب سی این جی کی قیمت کا تعین پمپ مالکان کریں گے، سی این جی ایسوسی ایشن نے اس فیصلے کا خیر مقدم کیا ہے جب کہ سیاسی جماعتوں نے اس فیصلے کو واپس لینے کا مطالبہ کیا ہے۔


یہ پڑھیں: نیپرا، اوگرا سمیت 5 ریگولیٹری اتھارٹیز، وزارتوں کے ماتحت


تفصیلات کے مطابق وفاقی حکومت کی جانب سے آئل اینڈ گیس ریگولیٹری اتھارٹی(اوگرا) سمیت 5 ریگولیٹری اتھارٹیز کو متعلقہ وزارتوں کے ماتحت کرنے کے بعد سی این جی کی قیمتیں ڈی ریگولیٹ کردی گئیں۔

اب سی این جی کے نرخ مقرر کرنے میں اوگرا کا کوئی کردار نہیں ہوگا بلکہ پمپ مالکان سی این جی کی قیمت کا تعین خود کریں گے، سی این جی مہنگی فروخت کریں یا کم قیمت پر، یہ اختیار اب اوگرا کے بجائے مالکان کو حاصل ہوگیا ہے جس کا وزارت پٹرولیم نے نوٹی فکیشن بھی جاری کردیا ہے۔

سی این جی ایسوسی ایشن نے وزارت پیٹرولیم کے اس فیصلے کو خوش آئند قرار دیتے ہوئے کہا ہے کہ اس سے مردہ صنعت میں جان پڑ جائے گی جبکہ امید ہے کہ سی این جی کی دستیابی کا مسئلہ بھی حل ہوجائے گا، سندھ اور خیبر پختون خوا کے صارفین کو پوری امید ہے کہ مسابقت کی فضا سے ان کا ضرور بھلا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top