سینٹرل پاور پرچیزنگ ایجنسی (سی پی پی اے) نے ملک بھر میں بجلی 2 روپے ایک پیسے فی یونٹ مہنگی کرنے کی درخواست دے دی۔
سینٹرل پاور پرچیزنگ ایجنسی (سی پی پی اے) کی جانب سے اضافہ اپریل کی ماہانہ فیول ایڈجسٹمنٹ کے تحت مانگا گیا ہے، درخواست پر31 مئی کو سماعت ہوگی۔
سی پی پی اے کا کہنا ہے کہ اپریل میں 9 ارب 73 کروڑ 49 لاکھ یونٹس بجلی پیدا کی گئی، بجلی کی پیداواری لاگت 10 روپے 39 پیسے فی یونٹ رہی۔
اپریل کے لئے ریفرنس لاگت 8 روپے 38 پیسے فی یونٹ مقرر تھی تاہم اپریل میں پانی سے 18.70 فیصد بجلی پیدا کی گئی جبکہ کوئلے سے 18.17 فیصد، فرنس آئل سے 2.22 فیصد بجلی پیدا ہوئی۔
سی پی پی اے کے مطابق مقامی گیس سے 11.88 ،درآمدی ایل این جی سے 24.15 فیصد بجلی پیدا کی گئی، اپریل میں جوہری ایندھن سے 19.14 فیصد بجلی پیدا کی گئی۔
Comments
- Advertisement -
