The news is by your side.

Advertisement

پیٹرولیم مصنوعات کی قیمتوں میں اضافے کا امکان

یکم فروری سے پٹرولیم مصنوعات کی قیمتوں میں اضافےکا امکان ہے۔ اوگرا نے پٹرولیم مصنوعات کی قیمتوں سمری پٹرولیم ڈویژن کو بھیج دی۔

ذرائع کے مطابق اوگرا نے پٹرول 12روپے فی لیٹر مہنگا کرنے کی تجویز دی ہے جب کہ ڈیزل کی قیمت میں 10 روپے فی لیٹر اضافے کی تجویز ہے۔

اوگرانے پٹرول اور ڈیزل کی سمری 30 روپے فی لیٹر لیوی بنیاد پر تیار کی۔ اس وقت فی لیٹرپٹرول پراس وقت 21روپے 56پیسے اور فی لیٹرڈیزل پراس وقت 23روپے9پیسے لیوی عائد ہے ۔

پیٹرولیم مصنوعات کی قیمتوں میں اضافے کی حتمی منظوری وزیراعظم دیں گے۔

واضح رہے کہ نئے سال کے آغاز سے پیٹرولیم مصنوعات کی قیمتوں میں اضافے کی تجویز آئی ہے، یکم جنوری اور 15 جنوری کے بعد اب یکم فروری سے پیٹرولیم مصنوعات کی قیمتوں میں اضافے کی سمری پیش کی گئی ہے۔

اس سے قبل 15 جنوری سے اوگرا نے پیٹرول کی قیمت میں13 روپے فی لیٹر اضافے کی سفارش کی تھی لیکن وزیراعظم نے پیٹرول کی قیمت میں 3روپے 20پیسے فی لیٹر اضافے کی منظوری دی۔

Comments

یہ بھی پڑھیں