The news is by your side.

Advertisement

یوٹیلیٹی اسٹورز پر خریداری کرنے والوں کیلئے نئی مشکل

اسلام آباد : یوٹیلیٹی اسٹورز پر مختلف برانڈز کے مصالحہ جات، ٹوتھ پیسٹ ،ڈیش واش اور ماچس و دیگر اشیا کی قیمتوں میں اضافہ کردیا گیا۔

تفصیلات کے مطابق یوٹیلیٹی اسٹورز پر مختلف برانڈز کی اشیا کی قیمتوں میں اضافہ کردیا گیا ، مصالحہ جات،ٹوتھ پیسٹ ،ڈیش واش،ماچس ودیگراشیا کی قیمتیں بڑھا دی گئیں۔

اشیا کی قیمتوں میں اضافے کا نوٹیفکیشن بھی جاری کردیا گیا ہے اور اضافے ک اطلاق فوری طور پر ہوگا۔

نوٹیفکیشن میں کہا گیا کہ ایک کلو مکس اچارکی قیمت میں55روپےاضافہ کیا گیا ، جس کے بعد مکس اچارکی فی کلوقیمت278سےبڑھ کر 333 روپے ہوگئی۔

یوٹیلیٹی اسٹورز پر مکس مصالحہ جات کی قیمتوں میں بھی اضافہ ہوا جبکہ ماچس کےپیکٹ میں بھی 10روپے تک اضافہ کردیا ، جس کے بعد ماچس کا پیکٹ 40 روپے سےبڑھ کر50 روپے ہوگیا۔

نوٹیفکیشن کے مطابق برتن دھونے والے سپونج کی قیمت میں66 روپے اضافہ اور ٹشو پیپر173سے بڑھ کر198 روپے کا ڈبہ ہوگیا۔

نوٹیفکیشن نے کہا کہ برانڈڈ ٹوتھ برش کی قیمت میں20 روپے تک کا اضافہ ہوا اور قیمت 97 روپے سے بڑھ کر 117 روپے کی ہوگئی۔

Comments

یہ بھی پڑھیں