site
stats
پاکستان

قومی کرکٹ ٹیم کےاعزازمیں تقریب آج وزیراعظم ہاؤس میں ہوگی

اسلام آباد : چیمپئنز ٹرافی جیتنے والی قومی کرکٹ ٹیم کے اعزاز میں پروقار تقریب کل وزیر اعظم ہاؤس میں منعقد ہوگی۔، ٹیم کے ہر کھلاڑی کو ایک کروڑ روپے انعام دیا جائیگا۔

تفصیلات کے مطابق بھارت کو شکست دے کر چیمپئنز ٹرافی کی جیتنے والی قومی کرکٹ ٹیم نے پوری قوم کو مسرور کردیا۔ جیت کے بعد سے کھلاڑیوں کی پذیرائی کا سلسلہ تاحال جاری ہے۔

چیمپئنز ٹرافی کی فاتح ٹیم کل بروز پیر کو وزیر اعظم نواز شریف کی مہمان ہوگی۔ مبارکباد اور شاباش کے ساتھ قومی ٹیم کے ہر کھلاڑی کو ایک کروڑ کا انعام دیا جائے گا۔

آفیشلز کو پچاس پچاس لاکھ روپے کیش انعام ملے گا۔ مذکورہ تقریب میں سابق کرکٹرز اور وزراء بھی مدعو ہوں گے۔ پی سی بی کے چیئرمین شہر یار خان بھی فتح کے اس سرکاری جشن میں شرکت کرنے برطانیہ سے پاکستان پہنچے ہیں۔

اس کے علاوہ قومی ٹیم کے اعزاز میں اسی ہفتے آرمی چیف اور نیول چیف بھی تقریب کی میزبانی کریں گے۔یاد رہے کہ آرمی چیف جنرل قمر جاوید باجوہ نے چمپیئنز ٹرافی جیتنے کے فوری بعد پوری قومی کرکٹ ٹیم کو عمرہ کی ادائیگی کرانے کا اعلان بھی کیا تھا۔

کرکٹ ٹیم کو کروڑوں روپے کا انعام عدالت میں چیلنج

یاد رہے کہ حکومت کی جانب سے چیمپئنز ٹرافی جیتنے والی قومی کرکٹ ٹیم کے ہر کھلاڑی کو ایک ایک کروڑ روپے انعام دینے کے اعلان کو اسلام آباد ہائیکورٹ میں چیلنج کر دیا گیا ہے۔

شہداء فاؤنڈیشن کی جانب سے درخواست میں مؤقف اختیار کیا گیا ہے کہ قومی کرکٹ ٹیم کے کھلاڑیوں کی مراعات بائیس گریڈ کے افسر کے برابر ہیں جبکہ تنخواہ اور میچ فیس بھی لیتے ہیں۔ لہٰذا عدالت وزیر اعظم کو ٹیکس کا پیسہ لٹانے سے روکے۔


مزید پڑھیں: بحریہ ٹاؤن نے فخرزمان کو 20 لاکھ روپے کا انعامی چیک دیدیا


عدالت نے رقم دینے سے متعلق ڈپٹی اٹارنی جنرل سے قانونی معاونت طلب کرلی اور متعلقہ قوانین پیش کرنے کی ہدایت کرتے ہوئے درخواست کی سماعت آ تک ملتوی کردی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top