کسی ڈاکو کو این آر او نہیں ملے گا، وزیر اعظم عمران خان prime minister imran khan
The news is by your side.

Advertisement

کسی ڈاکو کو این آر او نہیں ملے گا، نومنتخب وزیر اعظم عمران خان

اسلام آباد: وزیر اعظم عمران خان نے کہا ہے کہ میں آج قوم کا شکریہ ادا کرتا ہوں، اس تبدیلی کے لیے قوم نے 70 سال انتظار کیا ہے، قوم کو لوٹنے والوں کو نہیں چھوڑوں گا۔

ان خیالات کا اظہار عمران خان نے قومی اسمبلی سے پہلا خطاب کرتے ہوئے کیا، وزیراعظم عمران خان نے کہا کہ کسی ڈاکو کو این آر او نہیں ملے گا، مجھے کسی ڈکٹیٹر نے نہیں پالا، اپنے پیروں پر کھڑے ہوکر پہنچا ہوں۔

نومنتخب وزیر اعظم نے کہا کہ بچوں کا مستقبل لوٹنے والوں کو کٹہرے میں لاؤں گا، سب کا کڑا احتساب کریں گے، مجھ سے زیادہ میرے ہیرو قائد اعظم محمد علی جناح نے جدوجہد کی، ہر ماہ دو بار قومی اسمبلی میں سوالوں کا جواب دوں گا۔

عمران خان نے کہا کہ 6 ہزار سے 28 ہزار قرضہ چڑھانے والوں کا احتساب کریں گے، جو پیسہ قوم پر خرچ ہونا تھا وہ لوگوں کی جیبوں میں گیا، قوم کا پیسہ لوٹنے والوں کا کڑا احتساب کریں گے، اپنی قوم سے پیسہ اکٹھا کریں گے تاکہ ہمیں کسی کے آگے جھکنا نہ پڑے۔

عمران خان آئندہ پانچ سال کے لیے پاکستان کے وزیراعظم متخب

انہوں نے کہا کہ پی ٹی آئی کی کامیابی پر نوجوانوں کا شکریہ ادا کرتا ہوں، نوجوانوں کے مستقبل کے لیے کام کریں گے، 2013 کے الیکشن کے بعد صرف چار حلقے کھولنے کی بات کی تھی، شور مچانے والوں نے قومی اسمبلی کے چار حلقے بھی نہیں کھولے، حلقے کھلوانے کے لیے ہمیں عدالت میں جانا پڑا،  آج احتجاج کرنے والوں نے 2013 میں کیوں حلقے نہیں کھولے

نومنتخب وزیراعظم نے کہا کہ جوڈیشل کمیششن بنا تو معلوم ہوا ڈھائی کروڑ بیلٹ پیپر غائب تھے، دھاندلی کی نشاندہی کررہا تھا تو مجھ پر اسٹیبلشمنٹ کا الزام لگایا جاتا تھا، جسے دھاندلی کی شکایت ہے وہ الیکشن کمیشن جائے یا عدالت ہم نہیں روکیں گے۔

عمران خان نے کہا کہ کرکٹ کی تاریخ کا وہ کپتان ہوں جس کی وجہ سے نیوٹرل امپائر لائے گئے، پنجاب اسمبلی کے 43 حلقوں میں 3 ہزار ووٹوں سے ہارے ہیں، کس نے ہماری مدد کی جو ہمارے لیے تین ہزار ووٹ بھی نہ ڈلواسکا، جو حلقہ کھلوانا چاہیں ہم مدد کریں گے کیوں کہ ہم نے دھاندلی نہیں کی ہے۔

عمران خان: کپتانی سے وزارت عظمیٰ تک، کامیابیوں کی حیران کن کہانی

چیئرمین تحریک انصاف نے کہا کہ مجھے آج تک کوئی بلیک میل نہیں کرسکا اور نہ کرے گا، جتنا شور مچالیں، دھرنا دینا ہے تو کنٹینر بھی ہم دیں گے، شہباز شریف، مولانا فضل الرحمان ایک ماہ کنٹینر میں گزار لیں مان جائیں گے، ڈی چوک سامنے ہے دھرنا دینا ہے تو کنٹینر ہم دیں گے۔

Comments

comments

یہ بھی پڑھیں