The news is by your side.

Advertisement

وزیراعظم عمران خان نےٹیلی اسکول چینل کاافتتاح کر دیا

اسلام آباد: لاک ڈاؤن کے باعث تعلیمی اداروں کی بندش کی وجہ سے گھروں میں موجود طلبہ کو تعلیم دینے کے لیے وزیراعظم عمران خان نےٹیلی اسکول چینل کاافتتاح کردیا۔

چینل کے افتتاح کے موقع پر وزیراعظم عمران خان نے کہا کہ ٹیلی اسکول چینل کے قیام میں کردار ادا کرنے پر تمام وزارتوں، محکموں کو شبانہ روز محنت پر مبارکباد دیتاہوں اور وزارت تعلیم اور اطلاعات کا بھی مشکورہوں۔

وزیراعظم نے کہا کہ اس وقت ایسےحالات ہیں جس کاپاکستان نےکبھی سامنا نہیں کیا، کورونا وباکی وجہ سے بچے گھروں تک محدودہیں جنہیں ٹیلی اسکول چینل کےذریعےتعلیم دی جاسکےگی۔

ان کا کہنا تھا کہ بدقسمتی سےپاکستان میں تعلیمی معیار پر کوئی توجہ نہیں دی گئی لیکن ہماری حکومت تعلیمی معیارپر خصوصی توجہ دے رہی ہے، تعلیم کیساتھ ساتھ بچوں کواسکول میں بھی لاناہے۔

وزیراعظم نے کہا کہ میں سمجھتاہوں ٹیلی اسکول چینل کورونا کے بعدبھی چلناچاہیے، ٹیلی اسکول چینل میں حکومت جوبھی تعاون کرسکتی ہےاور کرےگی، بدقسمتی سےپاکستان میں سب سےزیادہ بچےاسکولوں سےباہرہیں تاہم ٹیلی اسکول چینل کےذریعےدور دراز علاقوں کےبچےبھی مستفیدہوں گے۔

ان کا کہنا تھا کہ تعلیم اور صحت کےشعبےمیں ہم دنیا سےپیچھےرہ گئےتھے، میری دوچیزوں پرزیادہ توجہ تھی ایک ٹیلی اسکول اوردوسرا ٹیلی میڈیسن، اب ٹیلی اسکول چینل کھل گیا ہے اور ٹیلی میڈیسن سےمتعلق بھی غور کیا جا رہاہے۔

Comments

یہ بھی پڑھیں